گرۋزيانىڭ ىشكى ىستەر مينيسترلىگى 28 قىركۇيەك كۇنى ساعات 23:00 شاماسىندا «ۆيلنيۋس» كەمەسىنىڭ پوتي پورتىنا كىرگەنىن انىقتادى.
ول ۋكراينانىڭ چورنومورسك پورتىنان كەلگەن. ال ىشىندە سااكاشۆيلي جاسىرىنعان, ءارى ءسۇت ونىمدەرى بار جۇك كولىگى وسى كەمەدەن 29 قىركۇيەكتە شىققان. تبيليسيگە كەلمەس بۇرىن سااكاشۆيلي ادجاريا, گۋريا جانە سامەگرەلودان وتكەن.
حابارلامادا ەكس-پرەزيدەنتتى 1 قازاندا تبيليسيدە ىشكى ىستەر مينيسترلىگىنىڭ قىزمەتكەرلەرى ۇستاعانى ايتىلادى.
باس پروكۋراتۋرا سونىمەن قاتار سااكاشۆيليدىڭ زاڭسىز جولمەن گرۋزيا اۋماعىنا ەنۋىنە كومەكتەسكەن ءتورت ادامنىڭ ۇستالعانىن حابارلادى.
باس پروكۋراتۋرا سااكاشۆيلي مەملەكەتتىك شەكارانى زاڭسىز كەسىپ وتكەنى ءۇشىن رەسمي تۇردە ايىپتالاتىنىن ايتتى.
