ۇكىمەت • 20 قازان، 2021

رەسپۋبليكالىق بيۋدجەت جوباسى ەل دامۋىنىڭ ماقساتتارىنا ساي كەلەدى - ن.نىعماتۋلين

52 رەت كورسەتىلدى

ءماجىلىس توراعاسى نۇرلان نىعماتۋلين الداعى ءۇش جىلعا ارنالعان بيۋدجەت جوباسىنىڭ الەۋمەتتىك باعىتتىلىعىن اتاپ ءوتتى، دەپ حابارلايدى Egemen.kzء ماجىلىستىڭ ءباسپاسوز قىزمەتىنە سىلتەمە جاساپ.

بۇگىن ءماجىلىستىڭ جالپى وتىرىسىندا دەپۋتاتتار «2022-2024 جىلدارعا ارنالعان رەسپۋبليكالىق بيۋدجەت تۋرالى» زاڭ جوباسىن ماقۇلدادى.

ء«ۇش جىلدىق رەسپۋبليكالىق بيۋدجەت جوباسىندا جۇمىس ىستەي وتىرىپ، ءماجىلىس دەپۋتاتتارى ەڭ الدىمەن ەلباسىنىڭ ستراتەگيالىق باعىتى مەن مەملەكەت باسشىسىنىڭ جىل سايىنعى جولداۋلارىندا ايتىلعان تاپسىرمالارىن ساپالى جانە ۋاقتىلى قامتاماسىز ەتۋدى قانشالىقتى قامتاماسىز ەتەتىنىن ەسكەردى»، دەدى ءماجىلىس سپيكەرى.

نۇرلان نىعماتۋليننىڭ ايتۋىنشا، الداعى ءۇش جىلعا ارنالعان رەسپۋبليكالىق بيۋدجەت جوباسى مەملەكەتتىڭ بارلىق الەۋمەتتىك مىندەتتەمەلەرىن ورىنداۋعا مۇمكىندىك بەرەتىن، ەلدى دامىتۋ ماقساتتارىنا جاۋاپ بەرەتىن، پاندەميادان كەيىنگى قالپىنا كەلتىرۋدىڭ كۇردەلى جاعدايلارىن ەسكەرەتىن ەتىپ جاسالعان. بۇل رەتتە دەپۋتاتتاردىڭ دا، ۇكىمەتتىڭ دە مىندەتى - بولىنگەن قاراجاتتىڭ ماقساتتى، اشىق ءارى ءتيىمدى يگەرىلۋى.

ءماجىلىس توراعاسى اتاپ وتكەندەي، دەپۋتاتتار بيۋدجەت جوباسىندا ولاردىڭ پارتيالارىنىڭ باعدارلامالىق قۇجاتتارىنىڭ ەرەجەلەرى ەسكەرىلگەنىن، سايلاۋشىلار مۇددەسىندەگى وزەكتى ماسەلەلەر بويىنشا دەپۋتاتتىق ساۋالدار دا كورىنىس تاپقانىن زەرتتەدى.

«ۇكىمەتپەن، مەملەكەتتىك ورگاندارمەن بىرلەسىپ ءۇش جىلدىق بيۋدجەت جوباسى بويىنشا ۇلكەن، كوپ ەڭبەكتى تالاپ ەتەتىن جانە قاۋىرت جۇمىس اتقارىلدى»، دەدى نۇرلان نىعماتۋلين.

ءماجىلىس سپيكەرىنىڭ ايتۋىنشا، الەۋمەتتىك مىندەتتەمەلەردى ورىنداۋ، اتاپ ايتقاندا، وتباسىلاردى قولداۋعا، الەۋمەتتىك تولەمدەردى يندەكستەۋگە جانە پەداگوگتاردىڭ، دارىگەرلەردىڭ، مادەنيەت جانە سپورت قىزمەتكەرلەرىنىڭ جالاقىسىن ارتتىرۋعا، جوعارى وقۋ ورىندارىنىڭ ستۋدەنتتەرىنە، ماگيسترانتتار مەن دوكتورانتتارعا ستيپەنديالاردى ۇلعايتۋعا، مۇگەدەك ادامداردى وڭالتۋدىڭ تەحنيكالىق قۇرالدارىمەن جانە قىزمەتتەرىمەن قامتاماسىز ەتۋگە باعىتتالعان تولەمدەر مەن جاردەماقىلاردى كوزدەيدى.

«زاڭ جوباسىمەن جۇمىس اياسىندا Nur Otan پارتياسىنىڭ سايلاۋالدى باعدارلاماسىندا كوزدەلگەن باستامالاردى ىسكە اسىرۋعا كوپ كوڭىل ءبولىندى. جالپى ايتقاندا، الەۋمەتتىك سالا شىعىندارى بارلىق شىعىنداردىڭ 50% قۇرايدى»، دەپ تولىقتىردى نۇرلان نىعماتۋلين.

سونىمەن قاتار، ءماجىلىس توراعاسى بيۋدجەتتىڭ كىرىس بولىگىن قالىپتاستىرۋ ماسەلەسىنە نازار اۋداردى.

«كوروناۆيرۋس پاندەمياسىنىڭ سالدارىمەن، ەكسپورت باعاسىنىڭ قۇبىلمالىلىعىمەن، ينفلياتسيالىق دالىزبەن بايلانىستى قيىندىقتار بولعانى تۇسىنىكتى. بىراق مۇنىڭ ءبارى قوسىمشا تابىس كوزدەرىن ىزدەۋ قاجەتتىلىگىن راستايدى، بۇل تۋرالى ءبىز ءبىرىنشى جىل ەمەس. ەل پرەزيدەنتى قاسىم-جومارت توقاەۆ ۇكىمەتكە بىرنەشە رەت ۇلتتىق قوردان بولىنەتىن ترانسفەرتتەردى قىسقارتۋدى جانە بيۋدجەت تاپشىلىعى ماسەلەسىن ونىڭ قاراجاتى ەسەبىنەن ۇنەمى شەشىپ وتىرماۋدى تاپسىردى. ونىڭ ۇستىنە ۇلتتىق قور قاراجاتىن اعىمداعى شىعىستارعا پايدالانۋعا جول بەرۋگە بولمايدى. بيۋدجەتتىڭ كىرىس بولىگىن تولىقتىرۋ ءۇشىن رەزەرۆتەردى ەكونوميكانىڭ بارلىق سەكتورلارىندا باسىمدىقتاردى ايقىنداۋ جانە ءتيىمسىز شىعىستاردى وڭتايلاندىرۋ ارقىلى ىزدەۋ قاجەت. بۇل جەردە رەزەرۆتەر بار. بارلىق كۇش - جىگەردى وسى جەرگە باعىتتاۋ كەرەك»، دەدى نۇرلان نىعماتۋلين.

سونىمەن قاتار، ءماجىلىس سپيكەرىنىڭ پىكىرىنشە، وڭىرلەر بارلىق ۋاقىتتا تەك رەسپۋبليكالىق بيۋدجەتكە عانا ەمەس، ءىس-شارالاردى ءوز بەتىنشە ىسكە اسىرۋى قاجەت.

«پارلامەنت بيۋدجەتتىك كورسەتكىشتەرگە قول جەتكىزۋگە پارمەندى باقىلاۋدى ۇيىمداستىرىپ قانا قويماي، بيۋدجەت پروتسەسىن جەتىلدىرۋ ماقساتىندا قاجەتتى زاڭنامالىق قولداۋ كورسەتەدى. تەك وسىلاي عانا ەل باسشىلىعى قويعان ماقساتتارعا قول جەتكىزەمىز - ەكونوميكانىڭ تۇراقتى ءوسۋى جانە حالىقتىڭ ءومىر ءسۇرۋ دەڭگەيىن ارتتىرۋ. بۇل جەردە ءبىز ۇكىمەتتىڭ دەپۋتاتتىق كورپۋسپەن تىعىز، جەمىستى ءوزارا ءىس-قيمىلدا ءتيىمدى جانە ناتيجەلى جۇمىسىنا ءۇمىت ارتامىز»، دەپ تۇيىندەدى نۇرلان نىعماتۋلين.

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

ۇقساس جاڭالىقتار