تۇركى حالىقتارىنىڭ رۋحاني تۇتاستىعىن قالىپتاستىرعان قوجا احمەت ءياساۋيدىڭ حيكمەتتەرىن ناسيحاتتاپ, وسكەلەڭ ۇرپاقتى ۇلى بابا مۇراسىن تەرەڭ مەڭگەرۋگە, زەرتتەۋگە ىنتالاندىرۋ, ينتەللەكتۋالدىق پايىم-پاراساتىن دامىتۋ, كەسەنەدە جەرلەنگەن تاريحي تۇلعالاردىڭ ءومىرى مەن قىزمەتىن وسكەلەڭ ۇرپاققا دارىپتەۋ ماقساتىنداعى بايقاۋدا «ازىرەت سۇلتان» مەملەكەتتىك تاريحي-مادەني قورىق-مۋزەيى ديرەكتورىنىڭ مىندەتىن اتقارۋشى ە.تاجىباەۆ, عالىمدار م.تۇياقباەۆ, ز.جانداربەك, قور ساقتاۋشى ن.اشىربەكوۆا جانە دوتسەنت ءو.مالدىبەكوۆ قازىلىق ەتتى. ەكى كەزەڭنەن تۇراتىن بايقاۋ بارىسىندا باس جۇلدەگە تۇركىستان وبلىسىنىڭ قاتىسۋشىسى بەردىباي ەربولات لايىق دەپ تانىلىپ, 150 000 تەڭگە ارنايى جۇلدە جانە ديپلوم تابىستالسا, 100 مىڭ تەڭگە اقشالاي سىياقى تاعايىندالعان ءبىرىنشى ورىندى تۇركىستان وبلىسىنان اقجۇنىس اتاحان, ەكىنشى ورىندى 75 مىڭ تەڭگە جۇلدەمەن الماتى وبلىسىنان ەركەش بەرداحمەت جانە قوستاناي وبلىسىنان ءمولدىر ايتمۇراتوۆا يەلەندى. ءۇشىنشى ورىن مەن 50 مىڭ تەڭگە جۇلدە شىمكەنت قالاسىنان ازدار امانعالي جانە اقتوبە وبلىسىنان اسەم سەيسەنوۆاعا, قىزىلوردا وبلىسىنان گاۋھار ازەنگە تاپسىرىلدى. وزگە دە قاتىسۋشىلار مەن ۇستازدارعا ارنايى اقشالاي سىيلىقتار مەن العىس حاتتار بەرىلدى.
ايتا كەتەلىك, ەڭ العاش 1997 جىلى قالالىق دەڭگەيدە ۇيىمداستىرىلعان «ياساۋيتانۋ» بايقاۋى كەيىننەن وبلىستىق, رەسپۋبليكالىق, حالىقارالىق دارەجەگە جەتتى.
