بۇل كەشكە حVIII, حIح جانە حح عاسىرداعى ءۇش ۇلى كومپوزيتور – يوگانن سەباستيان باح, انتون برۋكنەر, بەلا بارتوكتىڭ تۋىندىلارى بەكەر تاڭدالعان جوق, ولاردىڭ ءومىرى دە شىعارمالارىمەن تىعىز بايلانىستى. «استانا وپەرا» تەاترىنىڭ سيمفونيالىق وركەسترى تىڭدارمانداردى نەمىس باروككوسى, بەرگى اۋستريالىق-نەمىس ءرومانتيمزى مەن ماجار مۋزىكالىق كلاسسيكاسىنىڭ جاڭا قىرلارىمەن تانىستىردى.
− شىن مانىندە, بۇل – ەلوردامىزدىڭ مادەني ومىرىندەگى ايتۋلى وقيعا. استانادا بۇرىن ورىندالماعان انتون برۋكنەردىڭ №7 سيمفونياسىنىڭ شەبەر دىبىستالۋىنا قول جەتكىزۋ ءۇشىن وركەسترمەن كوپ دايىندالدىق. بۇل كەمەڭگەر برۋكنەردىڭ ريحارد ۆاگنەردى ەسكە الۋعا ارنالعان ەڭ شابىتتى دا اسەرلى شىعارمالارىنىڭ ءبىرى دەپ ەسەپتەيمىن. ماداق ولەڭنىڭ سوڭىندا جارق ەتكەن ۇرانمەن اياقتالۋ ءۇشىن امبەباپ, كەڭ اۋقىمعا كوتەرىلەدى, − دەپ اتاپ ءوتتى ابزال مۇحيتدين.
سونىمەن بىرگە كونتسەرت باعدارلاماسىنا بەلا بارتوكتىڭ شىعارماسى دا ەنگىزىلدى. ايتا كەتەيىك, بيىل ماجار كومپوزيتورىنىڭ تۋعانىنا 140 جىل تولىپ وتىر. حح عاسىردىڭ جاڭاشىل مۋزىكانتى ب.بارتوك – كوپتەگەن كامەرالىق تۋىندىنىڭ, ونىڭ ىشىندە ىشەكتى اسپاپتار كۆارتەتتەرىنىڭ, فورتەپيانوعا ارنالعان مۋزىكانىڭ اۆتورى. وسى كەشتە ىشەكتى اسپاپتار وركەسترىنە ارنالعان ديۆەرتيسمەنتتىڭ ورىندالۋى كورنەكتى كومپوزيتورعا كەرەمەت تارتۋ سانايدى. سونداي-اق اتاقتى كومپوزيتور ي.باحتىڭ اسەم دە ناقىشتى №3 براندەنبۋرگ شىعارماسى دا تالعامپاز كورەرمەنگە توسىن سىي بولدى.
