بۇعان دەيىن ەردوعان جاھاندىق ماسەلەلەردى شەشۋ كەزىندە بۇۇ قاۋىپسىزدىك كەڭەسىنىڭ تۇراقتى مۇشەلەرىن عانا ەمەس, بارلىق مەملەكەتتەردىڭ پىكىرىن ەسكەرۋ قاجەت, دەپ مالىمدەدى.
ونىڭ ايتۋىنشا, «ادامزاتتىڭ بولاشاعى ەكىنشى دۇنيەجۇزىلىك سوعىستا جەڭىسكە جەتكەن بىرنەشە ەلدىڭ مەيىرىمىنە يە بولا المايدى جانە بولماۋى كەرەك».
«يسلام الەمىنىڭ, افريكا, لاتىن امەريكاسى جانە وڭتۇستىك ازيا ەلدەرىنىڭ مۇددەلەرى ەلەنبەيتىن قازىرگى جۇيە ءۇمىتسىز. ەكىنشى دۇنيەجۇزىلىك سوعىستان كەيىن قالىپتاسقان ول قازىرگى زامانعى سىن-قاتەرلەرگە جاۋاپ بەرمەيدى, بەيبىتشىلىك پەن ادىلەتتىلىكتى قامتاماسىز ەتە المايدى, جاڭا داعدارىستار تۋعىزۋعا ءماجبۇر بولادى», دەدى ەردوعان.
ونىڭ پىكىرىنشە, كوروناۆيرۋستىق پاندەميا دامىعان مەملەكەتتەردىڭ دەنساۋلىق ساقتاۋ جۇيەسىنىڭ وسالدىعىن كورسەتتى.
