قوعام • 19 قازان، 2021

قازاقستاندا نان ءوندىرىسى تومەندەدى

91 رەت كورسەتىلدى

2021 جىلعى قاڭتار–تامىزدا جاڭا پىسكەن نان ءوندىرىسى 352،9 مىڭ توننانى قۇرادى، بۇل 2020 جىلدىڭ ۇقساس كەزەڭىمەن سالىستىرعاندا 17،9%-عا از، دەپ حابارلايدى Egemen.kz Energyprom.kz-كە سىلتەمە جاساپ.

جاڭا پىسكەن نان ءوندىرىسىنىڭ تورتتەن ءبىر بولىگىنەن استامى تۇركىستان وبلىسىنا تيەسىلى - 89 مىڭ توننا، ەلەۋلى كولەم الماتى مەن اقتوبە وبلىسىندا دا تىركەلگەن - تيىسىنشە 41،1 مىڭ جانە 34 مىڭ توننا.

2020 جىلى 539 مىڭ توننا نان ءوندىرىلدى، بۇل 2019 جىلمەن سالىستىرعاندا 4،2%-عا از. كوپجىلدىق ديناميكادا سەكتورداعى جىلدىق شىعارىلىم 2016 جىلى شامالى وسكەننەن كەيىن قاتارىنان ءتورت جىلعا قىسقاردى (1،1%-عا). بۇل رەتتە بۇعان دەيىن، 2014-2015 جىلدارى دا سەكتوردا ءوندىرىستىڭ قۇلدىراۋى بايقالدى.

اعىمداعى جىلدىڭ قاڭتار–قىركۇيەك ايلارىندا نان باعاسى 2020 جىلدىڭ قاڭتار-قىركۇيەگىمەن سالىستىرعاندا 6،1%-عا ءوستى. قارا بيداي نانىنىڭ باعاسى 9،9%-عا، جوعارى سۇرىپتى بيداي نانىنا - 7،8%-عا، ءبىرىنشى سۇرىپتى ۇنعا - 5،1%-عا ءوستى. وسىعان ۇقساس كەزەڭدە ءبىر جىل بۇرىن نان قۇنىنىڭ جىلدىق ءوسۋى 11،6%-دى قۇرادى.

قازاقستاننىڭ بارلىق وڭىرلەرىندە نان قىمباتتادى. نان باعاسى نۇر-سۇلتاندا 12،2%-عا ءوستى، ودان كەيىن سولتۇستىك قازاقستان (+9،6%) جانە اقمولا (+9،5%) وبلىستارى تۇر.

توعىز ايدىڭ قورىتىندىسى بويىنشا ەڭ تومەنگى جىلدىق ءوسىم اقتوبە وبلىسىندا (2020 جىلعى قاڭتار-قىركۇيەككە +1،2%)، شىمكەنتتە (+2،6%) جانە ماڭعىستاۋ وبلىسىندا (+3%) بايقالدى.

وسىلايشا، قازاقستاندىقتاردىڭ راتسيونىندا نان تۇتىنۋدىڭ تومەندەۋى بايقالدى. اعىمداعى جىلدىڭ قاڭتار-ماۋسىم ايلارىندا ءبىرىنشى سۇرىپتى ۇننان بيداي نانىن تۇتىنۋ ورتا ەسەپپەن جان باسىنا شاققاندا 16،5 كگ، قارا بيداي جانە قارا بيداي نانى - 1،3 كگ قۇرادى، بۇل وتكەن جىلدىڭ ۇقساس كەزەڭىمەن سالىستىرعاندا تيىسىنشە 3،5%-عا جانە 10،3%-عا از.

سوڭعى جاڭالىقتار

دوللار قىمباتتاپ بارادى

قارجى • بۇگىن، 11:20

لوماچەنكودان قازىردەن قاشىپ وتىر

كاسىپقوي بوكس • بۇگىن، 10:35

«ۇزدىكتەردىڭ ۇزدىگى» انىقتالدى

ۇلتتىق سپورت • بۇگىن، 10:12

ۇقساس جاڭالىقتار