ايماقتار • 19 قازان، 2021

بال بۇلاق بولىپ اقتى

74 رەت كورسەتىلدى

قۇتى قۇشاقتاعان قالا تۇرعىندارى بال جارمەڭكەسىنەن بالپاڭ باسىپ قايتىپ بارا جاتتى. كۇزدىڭ ميزام شۋاق كۇنىندە وسكەمەنگە اۋدانداردان ات ارىتىپ كەلگەن ومارتاشىلار ءوز ونىمدەرىن قولجەتىمدى باعادا ۇسىندى.

مىڭ ءتۇرلى گۇلدىڭ بالى – مىڭ دا ءبىر اۋرۋعا ەم ەكەنىن بىلەتىن ەل قىسقى ماۋ­سىمعا سوعىممەن قاتار، بالدى دا مولى­نان الۋعا تىرىسادى. شىعىس قازاق­ستان­دا بالدىڭ دا تاڭداۋى كوپ. اسىرەسە كاتون­قاراعايدىڭ، مارالدىنىڭ بالى برەند. دەيتۇرعانمەن، ءار ءوڭىردىڭ ءشوبى ءارتۇرلى بولعاندىقتان با، بالى دا وزىنشە ەرەكشە.

جارمەڭكەدە جۇرتتىڭ بىرقاتارى كوك­پەكتىنىڭ بالىنا كەزەككە تۇردى. نە قۇدىرەتى بار دەپ، جاقىنداساق، فاتسەليا گ ۇلىنەن جينالعان بال ەكەن. ءدامىن تاتىپ ەدىك، تاڭدايدا قالاتىنداي. ومار­تاشى الەكساندر شاروۆتىڭ ايتۋىنشا، كوكتەمدە ۇيالارىن ادام اياعى باسا بەرمەيتىن تاۋدىڭ قويناۋىنا جەتكىزەدى. سول ماڭداعى فاتسەليا گۇلدەگەندە اينالا حوش يىسكە بولەنىپ، ارالاردىڭ ىزىڭى جيىلەي باستايدى. وسىمدىك ماۋسىمنان قىركۇيەككە دەيىن گۇلدەگەندىكتەن، بال ءونىمىن مولىنان الۋعا مۇمكىندىك بار. اۋلەتىمەن ومارتا ۇستايتىن «فاتسەليا» شارۋاشىلىعىنىڭ ارالارى دا قاراپايىم ەمەس، اسىل تۇقىمدى. جىلىنا 7 تونناعا دەيىن بال الادى ەكەن. ا.شاروۆتىڭ ءۇش ۇلى دا بالدان بۇلاق اعىزىپ وتىر. ۇلكەن ۇلى ماكسيم شاروۆ رەسەيدە ومارتا شارۋاشىلىعى بويىنشا ۇلكەن عالىم.

– كوكپەكتى اۋدانىنىڭ مارينوگوركا اۋى­لىنان كەلدىك. بالعا دەگەن سۇرانىس جو­عارى. ءتىپتى شەتەلگە دەيىن شىعارامىز. بۇ­گىن الىپ كەلگەن 150 كيلو بالىمىز ءبىر سا­عات­تىڭ ىشىن­دە ساتىلىپ كەتتى، دەيدى ا.شاروۆ.

بيىل جاز ماۋسىمى جىلداعىدان قۇر­عاق بولعانىمەن، بالدىڭ ءتۇسىمى جامان ەمەس دەسەدى ومارتاشىلار. ايتا كەتەرلىگى، جارمەڭكەدە بالدىڭ كيلوسى 1800-2000 تەڭ­گەدەن ساتىلدى. ءيا، ءتيىمدى باعا. سول ءۇشىن دە ءونىمىن وتكىزە الماي تۇرعان ومارتاشى بولمادى.

سوڭعى جاڭالىقتار

حاتتوننىڭ ۇلى اتتيلانى اتىنان ءتۇسىردى

كاسىپقوي بوكس • بۇگىن، 10:35

جەكپە-جەكسىز وتكەن العاشقى جىل

كاسىپقوي بوكس • بۇگىن، 09:08

«دينامودان» جەڭىلدى

حوككەي • بۇگىن، 07:34

كرەاتيۆتى كىتاپ دۇكەنى

ايماقتار • بۇگىن، 07:33

جانبوتا جاراپ تۇر

سپورت • بۇگىن، 07:27

اقىن تۇتىنعان كەسە

تاريح • بۇگىن، 07:24

ۇلى جامبىل مۇراسى ۇلىقتالدى

رۋحانيات • بۇگىن، 00:33

ۇقساس جاڭالىقتار