مەديتسينا • 19 قازان، 2021

وڭايلىقپەن ەم قونبايدى

71 رەت كورسەتىلدى

ءوڭىردىڭ ەپيدەميالىق احۋالى جاقسارىپ، ىندەت جۇق­تىرعاندار سانى ەداۋىر ازايعانىمەن، دارىگەرلەر سوڭعى ۋاقىتتا ينفەكتسيالىق ورتالىققا كەلىپ تۇسكەن ناۋ­قاستاردىڭ دەرتىنە كوپكە دەيىن ەم دارىماي جاتقانىن ايتىپ وتىر.

قوستاناي وبلىستىق اۋرۋحا­ناسىنىڭ باس دارىگەرى يۋري مويسەەۆ قازىر ينفەكتسيالىق بولىمدەردەگى 180 ناۋقاستىڭ 70 پايىزى اۋىر جانە ورتاشا اۋىر حالدە جاتقانىن جەتكىزدى.

– ولاردىڭ ءبارى وتتەگى تەراپياسىن الۋدا. قازىر جانساق­تاۋ بولىمىندە 20 شاقتى ناۋ­قاس جاتىر. سوڭعى كەزدەرى Covid-19 سوزىلمالى سيپاتقا يە بولىپ بارادى. اۋرۋحاناعا تۇس­كەن ناۋقاستاردىڭ ءبىر ايدان كەيىن عانا بەتى بەرى قاراي باستايدى. ايىعىپ شىققان سوڭ، دەرتى قايتا اسقىنىپ، قايتادان اۋرۋحاناعا ءتۇسىپ جاتقاندار كوپ. گوسپيتالدا جاتقانداردىڭ 90%-ى – ۆاكتسينا قابىلداماعاندار. ۆاكتسينا قابىلداعاندار بىرەن-ساران عانا، – دەدى يۋ.مويسەەۆ.

باس دارىگەر ينفەكتسيالىق ستاتسيوناردا جاتقان ناۋقاس­تاردىڭ دەنى 50 جاستان اسقان ادامدار ەكەنىن، بۇل جاستا ىندەت جۇتىرۋ قاۋپى جوعارى بولاتىنىن، سوندىقتان ەلۋدى ەڭسەرگەندەر ەڭ ءبىرىنشى كەزەكتە ىندەتكە قارسى ەكپە الۋ كەرەكتىگىن قاداپ ايتتى.

وبلىستىق دەنساۋلىق ساقتاۋ باسقارماسىنىڭ مالىمەتىنشە، بۇگىندە ينفەكتسيالىق ستاتسيو­نارلارعا قويىلعان 1 665 تو­سەكتىك ورىننىڭ 1 035-ءى بوس تۇر. ىن­دەت جۇقتىرعان 417 بالانى دارى­گەرلەر امبۋلاتوريالىق باقىلاۋعا العان. قازىر وبلىس­تا توبىل قالاسىنداعى تۋبەر­كۋلەزگە قارسى ديسپانسەر مەن وبلىستىق پسيحيكالىق ورتا­لىق­تان وزگە ەمدەۋ مەكەمە­لە­رى­نىڭ ءبارى قالىپتى تارتىپتە جۇ­مىس ىستەپ جاتىر.

سوڭعى جاڭالىقتار

حاتتوننىڭ ۇلى اتتيلانى اتىنان ءتۇسىردى

كاسىپقوي بوكس • بۇگىن، 10:35

جەكپە-جەكسىز وتكەن العاشقى جىل

كاسىپقوي بوكس • بۇگىن، 09:08

«دينامودان» جەڭىلدى

حوككەي • بۇگىن، 07:34

كرەاتيۆتى كىتاپ دۇكەنى

ايماقتار • بۇگىن، 07:33

جانبوتا جاراپ تۇر

سپورت • بۇگىن، 07:27

اقىن تۇتىنعان كەسە

تاريح • بۇگىن، 07:24

ۇلى جامبىل مۇراسى ۇلىقتالدى

رۋحانيات • بۇگىن، 00:33

ۇقساس جاڭالىقتار