«كوروناۆيرۋستىق پاندەميا كورسەتكەندەي, ىشكى نارىقتى قامتاماسىز ەتۋ باستى مىندەت بولىپ تابىلادى. سوندىقتان, باسىم ەكسپورتتىق ساياساتپەن قاتار, يمپورتتى الماستىرۋ ماسەلەلەرى كەشەندى تۇردە شەشىلەتىن بولادى. مينيسترلىك قۇس ەتى, شۇجىق ونىمدەرى, ىرىمشىك جانە سۇزبە, الما, قانت جانە بالىق سياقتى ەڭ كوپ يمپورتتالاتىن پوزيتسيالاردى انىقتادى», دەپ اتاپ ءوتتى مينيستر.
بۇگىنگى تاڭدا وسى باعىتتاردىڭ ارقايسىسى بويىنشا ناقتى ينۆەستيتسيالىق جوبالار انىقتالىپ, ىسكە اسىرىلۋدا. قويىلعان ماقساتقا قول جەتكىزۋ ءۇشىن بىرقاتار مەملەكەتتىك قولداۋ شارالارى, ونىڭ ىشىندە جەڭىلدىكتى كرەديتتەۋمەن, سۋبسيديالاۋمەن, جەر رەسۋرستارىمەن, ينفراقۇرىلىممەن, سونداي-اق ىشكى نارىقتى قورعاۋ جونىندەگى شارالارمەن قامتاماسىز ەتۋ بويىنشا ىسكە اسىرىلاتىن بولادى. ناتيجەسىندە 2024 جىلعا قاراي قانتتى قوسپاعاندا, ءونىمنىڭ وسى تۇرلەرى بويىنشا قامتاماسىز ەتىلۋ 100%-دى, ال قانت بويىنشا - 80%-دى قۇراۋى ءتيىس.
