مەديتسينا • 17 قازان، 2021

بۋىن اۋىستىرۋ وپەراتسياسى مەديتسينالىق ساقتاندىرۋ ەسەبىنەن جاسالادى

284 رەت كورسەتىلدى

بۇدان بىلاي كەز كەلگەننىڭ جاساتا سالۋعا شاماسى كەلە بەرمەيتىن بۋىن الماستىرۋ وپەراتسيالارى الماتىدا مەديتسينالىق ساق­تان­دىرۋ ەسەبىنەن جۇزەگە اسپاق. جۋىردا قالا دارىگەرلەرى 90 جاس­تاعى پاتسيەنتتىڭ جامباس بۋىنىن الماستىردى. وپەراتسيا مىن­دەت­تى الەۋمەتتىك مەديتسينالىق ساقتاندىرۋ ەسەبىنەن جاسالعان ەدى.

ەندوپروتەزدەۋ – قانداي دا ءبىر كەسەلدىڭ نەمەسە جاراقات سالدارىنان زاقىمدانعان بۋىندى حيرۋرگيالىق جولمەن جاساندى بۋىنعا الماستىراتىن وتا. وسى وتا ارقىلى اياق-قولدىڭ قيمىلىن قالپىنا كەلتىرۋگە بولادى.

الماتى قالالىق №4 اۋرۋ­حا­نانىڭ ەندوپروتەزدەۋ ءبولى­مى­نىڭ مەڭگەرۋشىسى ماناربەك اۋبا­كى­روۆتىڭ ايتۋىنشا، جوعا­رى­دا­عى زەينەتكەر اۆتوبۋستان قۇلاپ جا­را­قات العان. دارىگەرلەر بىردەن جام­باس سۇيەگىنىڭ جابىق سۋبكاپي­تال­دى سىنىعى دەگەن دياگنوز قو­يىپ­تى.

«ناۋقاس اۋرۋحاناعا تۇسكەن كەز­دە پاتسيەنت جامباسى ءىسىپ، قات­­تى اۋىراتىنىن ايتىپ، شا­عىم­­­داندى. سونىمەن قاتار قي­مىل-قوزعالىسى قيىنداپ، ءجۇ­رىپ-تۇرۋدان قالعان. قابىلداۋ بو­لىمىندە ونى كەشەندى تەكسەرۋدەن وتكىزدىك، تەراپەۆت، تراۆماتولوگ، انەستەزيولوگتان قۇرالعان مۋل­تيديستسيپلينارلىق كوماندا قارا­دى»، دەيدى م.اۋباكىروۆ.

جاسى توقساندى القىمداعان ۆەرا كيم وتانىڭ بۇل تۇرىنەن حابار­دار ەكەن. سوندىقتان ول كىسى وتا جاساۋعا بىردەن كەلىسىم بەرەدى.

«بازاردان قايتىپ كەلە جاتىپ اۆتوبۋسقا ءمىندىم. تۇسەردە اياعىم تايىپ كەتىپ جولدىڭ جيەگىندەگى تاسقا قۇلادىم. سويتسەم جامباس سۇيەگىم سىنعان ەكەن. بىردەن جەدەل جاردەم شاقىرتىپ، ولار مەنى №4 اۋرۋحاناعا جەتكىزدى. دارىگەرلەر قاراپ شىققاننان كەيىن وتا جاساۋ قاجەتتىگىن ايتتى. بالالارىم دا بىردەن كەلىستى. وتا تەز، جاقسى جا­سالدى. سودان بەرى مىنە، ءبىر اپتا ءوتتى، قازىر اياعىمدى باسىپ جۇ­رەمىن. قارتايعان شاعىمدا وسىنداي قۋانىش سىيلاعان دارى­گەر­لەرگە ريزامىن»، دەيدى ۆ.كيم.

بۋىن الماستىرۋ وتاسى جالپى قۇنى 1،5 ملن تەڭگەدەن باستالاتىن جوعارى تەحنولوگيالىق وپەراتسيالار قاتارىنا جاتادى. وتا زەينەتكەرگە ءمامس پاكەتى شەڭبەرىندە تەگىن جاسال­دى. ەندوپروتەزدەۋ سوڭعى جىلدارى كوپ جاسالىپ جۇر­گەن مانيپۋلياتسيالاردىڭ ءبىرى. سەبەبى ول بۋىنى اۋىراتىن سىر­قات­­تىڭ اۋرۋىن جەڭىلدەتىپ، ەمىن-ەر­كىن ءجۇرىپ-تۇرۋىنا مۇمكىندىك بە­رەدى.

مەديتسينالىق ساقتاندىرۋ قورى الماتى قالالىق فيليا­لى­نىڭ ديرەكتورى تىلەۋحان ابىل­داەۆتىڭ ايتۋىنشا، ساقتان­دى­رىلعان تۇرعىندار جوعارى تەحنو­لوگيالاردىڭ كومەگىمەن جاسا­لا­تىن قىزمەتتەردى، كت، مرت سىندى كونسۋلتاتيۆتىك-دياگنوس­تي­كالىق قىزمەت تۇرلەرىن، رەابي­لي­­تاتسيالىق كومەكتى تۇراقتى تۇر­دە پايدالانىپ كەلەدى.

ء«مامس پاكەتىنىڭ اۋقىمى كەڭ. ساقتاندىرىلعان ازاماتتار كوپشىلىكتىڭ قالتاسى كوتەرە بەر­مەيتىن وسىنداي وتا تۇرلەرىن جا­ساتۋ قاجەت بولعان جاعدايدا مەديتسينالىق قىزمەتتى كوپ شى­عىن­دالماي، كەدەرگىسىز پايدالانا الادى. سوندىقتان بارشا ازامات­تار­دى ساقتاندىرۋ جۇيەسىنە قاتى­سۋ­عا شاقىرامىن»، دەدى فيليال ديرەكتورى.

 

سوڭعى جاڭالىقتار

اقجايناق استانا

ەلوردا • كەشە

ديماش پەن دجەكسون

ونەر • كەشە

ۇقساس جاڭالىقتار