قازاقستاننىڭ ءبىرىنشى, الەمنىڭ 16-راكەتكاسى ەلەنا رىباكينا 18-24 قازان ارالىعىندا وتەتىن كرەمل كۋبوگى WTA 250 جارىسىنا قاتىسادى. دودانىڭ 7-راكەتكاسى بولىپ تىركەلگەن قازاقستاندىق تەننيسشى العاشقى اينالىمدا دۇنيەجۇزىلىك رەيتينگتە 37-ورىندا تۇرعان چەحيالىق ماركەتا ۆوندروۋشوۆامەن شەبەرلىك بايقاسادى.
جۇلدە قورى 565 مىڭ اقش دوللارىنان اساتىن, پاندەمياعا بايلانىستى بىلتىر وتپەي قالعان جارىسقا 2019 جىلعى چەمپيون, شۆەيتساريالىق بەليندا بەنچيچ قاتىسپايدى. ەرلەر اراسىنداعى وسى تۋرنيردە قازاقستاننىڭ ءبىرىنشى, الەمنىڭ 37-ءىنشى, دودانىڭ 5-راكەتكاسى الەكساندر بۋبليكتىڭ قارسىلاسى كەيىن بەلگىلى بولادى.
جۇلدە قورى 697 مىڭ اقش دوللارىنان اساتىن بۇل جارىستا 2019 جىلى رەسەيلىك اندرەي رۋبلەۆ ۇزدىك شىققان بولاتىن. دۇنيەجۇزىلىك رەيتينگتە بەسىنشى ساتىدا تۇرعان ول بيىل ءبىرىنشى راكەتكا بولىپ تىركەلگەن.
تاعى ءبىر قازاقستاندىق, رەيتينگتە 165-ساتىداعى دميتري پوپكو ىرىكتەۋ سايىستارىندا الەمنىڭ 106-راكەتكاسى, ليتۆالىق ريچارداس بەرانكيستەن 4:6, 1:6 ەسەبىمەن ۇتىلىپ قالدى.
