ايماقتار • 15 قازان، 2021

الماتىدا ءۇش ەسىرتكى زەرتحاناسى جويىلدى

115 رەت كورسەتىلدى

الماتىدا سينتەتيكالىق ەسىرتكى شىعاراتىن ءۇش ەسىرتكى زەرتحاناسى جويىلدى، دەپ حابارلايدى Egemen.kz.

ولاردىڭ ءبىرى مەدەۋ اۋدانى اۋماعىنداعى ۇيدەن تابىلدى. ءتىنتۋ كەزىندە سينتەتيكالىق ەسىرتكىلەردى دايىنداۋعا ارنالعان كومپونەنتتەر، سونداي-اق جالپى سالماعى 3،5 كگ ساتۋعا دايىن «مەفەدرون» زاتى تاركىلەندى.

ء«ساۋىر ايىندا ەسىرتكى بيزنەسى جەلىسى بويىنشا ۇقت قۇرۋدا كىناسى دالەلدەنگەن 8 ايىپتالۋشى ۇستالعان. توپ «مەفەدرون» سينتەتيكالىق ەسىرتكىسىن ينتەرنەت-رەسۋرستار ارقىلى دايىنداۋمەن جانە وتكىزۋمەن اينالىستى. سونىمەن قاتار، ەسىرتكى زاتتارىنىڭ تارالۋى تۋرالى اقپاراتتى قامتيتىن 3901 گراففيتي-جازۋى بويالعان. ەسىرتكى جارناماسى ءۇشىن 5 ادام قىلمىستىق جاۋاپكەرشىلىككە تارتىلدى. الماتى پوليتسياسىنىڭ باستاماسىمەن جىل باسىنان بەرى 357 ينتەرنەت-سايت بۇعاتتالدى»، دەدى الماتى پد باسشىسى قانات تايمەردەنوۆ.

جىل باسىنان بەرى الماتى پوليتسياسى 545 ەسىرتكى قىلمىسىن انىقتادى. 380 كيلوگرامنان استام ەسىرتكى تاركىلەنىپ، زاڭسىز اينالىمعا جىبەرىلگەن جوق.

سوڭعى جاڭالىقتار

ۇقساس جاڭالىقتار