كوروناۆيرۋس • 15 قازان، 2021

قازاقستاندا رەۆاكتسيناتسيا قالاي وتەدى؟

119 رەت كورسەتىلدى

قر دەنساۋلىق ساقتاۋ ءمينيسترى الەكسەي تسوي ەلىمىزدە رەۆاكتسيناتسيا قالاي ۇيىمداستىرىلاتىنىن ءتۇسىندىردى، دەپ حابارلايدى Egemen.kz.

«دەنساۋلىق ساقتاۋ مينيسترلىگى قازاقستان رەسپۋبليكاسىنىڭ حالقىن يممۋنداۋ جونىندەگى كونسۋلتاتسيالىق كوميسسيامەن بىرگە حالىقتى قايتا ۆاكتسينالاۋدىڭ تاسىلدەرىن پىسىقتادى. حالىقارالىق تاجىريبەنى ەسكەرە وتىرىپ، كوروناۆيرۋس ينفەكتسياسىنا قارسى ۆاكتسينالاۋ شاراسىنىڭ تولىق كۋرسىن وتكەننەن سوڭ، 6-9 ايدان كەيىن قوسىمشا دوزاسىن ەگۋ ۇسىنىلادى. ونىڭ وزىندە ۆەكتورلى ۆاكتسينا العان تۇلعالارعا 9 ايدان كەيىن يناكتيۆتى ۆاكتسينا ەگۋ، يناكتيۆتى (Sinopharm، CoronaVac، Hayat-Vax، QazCovid-in – رەد.) ۆاكتسينا العان تۇلعالارعا 6 ايدان كەيىن ۆەكتورلى ەكپە سالۋ كوزدەلىپ وتىر.

«مرنك-ۆاكتسينا» (Pfizer – رەد.) العان تۇلعالارعا 6 ايدان كەيىن يناكتيۆتى نەمەسە ۆەكتورلى ەكپە سالىنادى. سونداي-اق، ءبىرىزدى ەكپە ءتۇرىن سالۋ ارقىلى قايتا ۆاكتسينالانۋعا جول بەرىلەدى»، دەدى الەكسەي تسوي ورتالىق كوممۋنيكاتسيالار قىزمەتىندە وتكەن بريفينگىدە.

سوڭعى جاڭالىقتار

ۇقساس جاڭالىقتار