ءبىلىم • 15 قازان، 2021

مەكتەپتەردەگى ەپيدجاعداي تۇراقتى ما؟

56 رەت كورسەتىلدى

قر ءبىلىم جانە عىلىم ءمينيسترى اسحات ايماعامبەتوۆ ءبىلىم وشاقتارىنداعى ەپيدەميولوگيالىق جاعداي تۋرالى ايتتى، دەپ حابارلايدى Egemen.kz.

«بيىل وقۋ جىلى ءداستۇرلى فورماتتا باستالدى. ودان 1،5 اي ۋاقىت ءوتتى. كورىپ وتىرعاندارىڭىزداي، ەلىمىزدە ىندەتتىڭ تارالۋى باسەڭسىپ كەلەدى. بالالاردىڭ كوروناۆيرۋسقا شالدىعۋىن شىلدە-تامىز ايلارىمەن سالىستىرساق، قازىر جاعداي جاقسارعان، ياعني ۆيرۋستىڭ تاراۋى ايتارلىقتاي تومەندەگەن. ەلىمىز بويىنشا بالالار اراسىندا كوروناۆيرۋستىڭ تارالۋى 0،1 پايىزدان اسپاي تۇر»، دەدى ا.ايماعامبەتوۆ ەلوردادا ءوتىپ جاتقان ۇلتتىق مەكتەپ سپورت ليگاسى بارىسىندا.

ونىڭ ايتۋىنشا، مەكتەپتەردە سانيتارلىق تالاپتار ءتيىستى دەڭگەيدە ساقتالعان.

«كەيبىر سىنىپتار كارانتينگە جىبەرىلىپ، قاشىقتان وقىپ جاتىر. ال كەيبىر سىنىپتار كەرىسىنشە مەكتەپكە قايتا ورالىپ جاتىر. جالپى كورسەتكىش 0،1 پايىزدان اسپايدى. ياعني جاعداي تۇراقتى. ەڭ باستىسى – مەكتەپتە سانيتارلىق تالاپتار قاتاڭ ساقتالۋدا جانە كارانتين ەرەجەلەرىن ۇستانا وتىرىپ، ءبىلىم بەرۋ ءوز دەڭگەيىندە جالعاسا بەرەدى»، دەپ تولىقتىردى مينيستر.

سوڭعى جاڭالىقتار

ۇقساس جاڭالىقتار