ايماقتار • 15 قازان، 2021

سقو-دا لوكداۋن جاريالانۋى مۇمكىن

66 رەت كورسەتىلدى

سولتۇستىك قازاقستان وبلىسى تولىق لوكداۋنعا جابىلۋى مۇمكىن. كەيىنگى ەكى اپتادا وڭىردە COVID-19 دەڭگەيى 1،5 ەسە وسكەن. مۇنى ءوڭىردىڭ سانيتاريالىق دارىگەرلەرى ۆاكتسيناتسيا قارقىنى تومەن بولۋىمەن جانە دەلتا شتامىنىڭ تاراۋىمەن بايلانىستىرىپ وتىر، دەپ حابارلايدى Egemen.kz.

سقو باس سانيتاريا دارىگەرىنىڭ ورىنباسارى ارمان كۇشباسوۆتىڭ ايتۋىنشا، كەيىنگى كەزدەرى وبلىس بويىنشا تەك 200-300 ادام ۆاكتسينا سالدىرادى، بۇل ەپيداحۋالعا كەرى اسەر ەتە باستاعان. بىراق قازاقستاننىڭ بارلىق وڭىرىندەگى جاعداي بىردەي ەمەس. مىسالى تۇركىستان وبلىسىندا جانە شىمكەنتتە ۆاكتسيناتسيا جوسپارى 30 قىركۇيەكتە ورىندالعان. بۇگىندە ەكى ءوڭىر دە «جاسىل» ايماقتا. ۆيرۋس تاراۋ قارقىنى ازايىپ، ال شەكتەۋ شارالارى جەڭىلدەگەن. 

ال سولتۇستىك قازاقستان وبلىسىندا، كەرىسىنشە، ۆاكتسيناتسيا قارقىنى ازايىپ، اۋرۋ دەڭگەيى ءوسىپ جاتىر.  

«ەكى اپتادان بەرى سولتۇستىك قازاقستان وبلىسى «قىزىل» ايماقتا. ەگەر اۋرۋ دەڭگەيى ازايماسا مەكەمەلەردىڭ جۇمىسىن توقتاتىپ، لوكداۋن جاريالاۋىمىزعا تۋرا كەلەدى. ارينە، بۇل ءماجبۇرلى شارا، سەبەبى ناۋقاستار سانىنىڭ كوبەيۋى مەديتسينالىق مەكەمەلەرگە سالماق ءتۇسىرۋى مۇمكىن»، دەيدى ارمان كۇشباسوۆ. 

سوڭعى جاڭالىقتار

ۇقساس جاڭالىقتار