ايماقتار • 15 قازان، 2021

ەكىباستۇزدىڭ ءۇش ەلەكتر ستانتسياسىندا اپات بولدى

143 رەت كورسەتىلدى

ەكىباستۇزدىڭ ءۇش ەلەكتر ستانتسياسىندا ءىرى ەنەرگوبلوكتاردىڭ اپاتتىق اجىراتىلۋى ورىن الدى،  دەپ حابارلايدى Egemen.kz.

«14 قازاندا بىرنەشە ساعات ارالىقپەن ەكىباستۇز ماەس-1 جانە ەكىباستۇز ماەس-2-دە قۋاتى 500 مۆت ءىرى ەنەرگيا بلوكتارى اپاتتى تۇردە ءسوندىرىلدى. سونداي-اق، «ەەك» اق ەلەكتر ستانتسياسىندا گەنەراتسيانى 150 مۆت تومەندەتۋمەن قازاندىق اپاتتى تۇردە توقتاتىلدى. وسىلايشا، جوعارىدا اتالعان ءۇش ەلەكتر ستانتسياسىندا گەنەراتسيانى اۆاريالىق تومەندەتۋدىڭ جيىنتىق كولەمى 1000 مۆت-تان استى»، دەپ جازادى «KEGOC» اق ءباسپاسوز قىزمەتى.

كومپانيا اتاپ وتكەندەي، قۋات تاپشىلىعى جاعدايىندا ەلەكتر ستانتسيالارىنداعى وسى اپاتتىق اجىراتۋلار رەسەي ەنەرگوجۇيەسىمەن شەكاراداعى قۋاتتىڭ قولايسىز اۋىتقۋلارىنا، جۇيەلىك اپات قاۋپى بار مەملەكەتارالىق ەلەكتر بەرۋ جەلىلەرىنىڭ شامادان تىس جۇكتەلۋىنە اكەلەدى.

«اۆاريانى بولدىرماۋ جانە ەنەرگيا جۇيەسىندەگى گەنەراتسيانى تومەندەتۋ سالدارىن بارىنشا ازايتۋ ءۇشىن «KEGOC» اق قر ەنەرگەتيكا مينيسترلىگىنىڭ كەلىسىمى بويىنشا وڭىرلىك ەلەكتر جەلىلىك كومپانيالارمەن بىرلەسىپ جوسپاردان تىس تۇتىنۋدى جۇزەگە اسىراتىن تۇتىنۋشىلاردىڭ ەلەكتر ەنەرگياسىن تۇتىنۋىن شەكتەدى. شەكتەۋلەر جەرگىلىكتى اتقارۋشى ورگاندارمەن كەلىسىلگەن كەستەلەر بويىنشا ەنگىزىلدى»، دەدى «KEGOC» اق ءباسپاسوز قىزمەتى.

سوڭعى جاڭالىقتار

ۇقساس جاڭالىقتار