«بۇگىنگى ءىس-شاراعا قازاقستاندىق الەۋمەتتانۋ عىلىمىنىڭ بارلىق قاۋىمى جينالعانىن پايدالانىپ, سىزدەردىڭ كەيدە سەرىكتەس, ءتىپتى كەيدە وپپونەنت ءارى سىنشى رەتىندەگى جۇمىستارىڭىزعا ريزاشىلىعىمدى بىلدىرگىم كەلەدى. بۇل وتە ماڭىزدى ءرول. ويتكەنى, ءدال وسى سوتسيولوگيا شىنايى جاعدايدى وي ەلەگىنەن وتكىزۋگە كومەكتەسەدى. سىزدەر قوعام ءۇشىن جانە مەملەكەت ءۇشىن دە الەم كارتيناسىن قۇرىلىمدايسىزدار», دەدى ول قازاقستان الەۋمەتتانۋشىلارىنىڭ VII كونگرەسىندە.
ونىڭ اتاپ وتۋىنشە, قازىرگى ۋاقىتتا مەملەكەت مۇلدەم ءارتۇرلى فورماتتاعى الەۋمەتتىك زەرتتەۋلەردىڭ ەڭ ءىرى تاپسىرىس بەرۋشىلەرىنىڭ ءبىرى بولىپ وتىر.
«جانە دە بۇل مەملەكەتتىك اپپاراتتىڭ ۇلكەن كولەمدەگى مالىمەتتەرگە ۇزاقمەرزىمدى قاجەتتىلىگى جانە زەرتتەۋلەر الەۋمەتتىك بىلىمگە, داعدى مەن ساراپتامالارعا ينستيتۋتسيونالدى سۇرانىستى قالىپتاستىرادى. ال تۇراقتى سۇرانىس سالانى جانە تولىقتاي العاندا الەۋمەتتانۋدىڭ ۇلتتىق مەكتەبىن دامىتۋعا كومەكتەسەدى», دەدى قر پرەزيدەنتى اكىمشىلىگى باسشىسىنىڭ ءبىرىنشى ورىنباسارى.
وسى ورايدا ول بارىنشا ماڭىزدى باستامالاردى ەسكە سالىپ ءوتتى.
«بۇعان دەيىنگى جىلدارى بۇل سۇرانىستىڭ قوعامدىق-ساياسي جاعدايدى ولشەۋدەن باستاپ, مەملەكەتتىك جوسپارلاۋ جۇيەسىنىڭ ينديكتورلارىن ولشەۋگە دەيىنگى ەلەكتورالدىق مونيتورينگتىڭ قالاي قالىپتاسقانىن مەنەن جاقسى بىلەسىزدەر. ەل پرەزيدەنتىنىڭ ازاماتتار تاراپىنان اكىمدەردىڭ قىزمەتىن باعالاۋ جونىندەگى باستاماسى مەملەكەت تاراپىنان ماڭىزدى قادام بولدى. 2019 جىلدان بەرى مۇنداي باعالاۋ جىل سايىن جۇرگىزىلەدى. ازىرشە ولار جىلىنا 2-3 ءوڭىردى عانا قامتيدى. بىراق, ۇلكەن اۋىلدىق وكرۋگتەرگە دەيىن باعالاۋ بارىنشا قوماقتى ءارى جان-جاقتى», دەدى داۋرەن اباەۆ.
