تاعايىنداۋ • 15 قازان، 2021

ەكولوگيا ءمينيسترىنىڭ جاڭا ورىنباسارى تاعايىندالدى

قر ۇكىمەتىنىڭ قاۋلىسىمەن تالعات امانگەلدى ۇلى مومىشەۆ قازاقستان رەسپۋبليكاسىنىڭ ەكولوگيا، گەولوگيا جانە تابيعي رەسۋرستار ۆيتسە-ءمينيسترى قىزمەتىنە تاعايىندالدى، دەپ جازادى Egemen.kz قر پرەمەر-ءمينيسترىنىڭ ءباسپاسوز قىزمەتىنە سىلتەمە جاساپ.

دانا مىرزاقادىر

تالعات مومىشەۆ 1968 جىلى اقمولا وبلىسىندا دۇنيەگە كەلگەن. جامبىل گيدرومەليوراتيۆتىك-قۇرىلىس ينستيتۋتىن، الماتى ەكونوميكا جانە ستاتيستيكا ينستيتۋتىن تامامداعان.

ماماندىعى بويىنشا بىلىكتىلىگى: ينجەنەر-قۇرىلىسشى، بۋحگالتەر-ەكونوميست. 1994-1996 جج. — قازاق-تۇرىك بىرلەسكەن كاسىپورنىنىڭ اتقارۋشى ديرەكتورى.

1997-1998 جج. — جامبىل ستاندارتتاۋ جانە مەترولوگيا ورتالىعى ديرەكتورىنىڭ مەمقاداعالاۋ جونىندەگى ورىنباسارى. ءار جىلدارى جەكە كومپانيالاردا جۇمىس ىستەدى.

1998-1999 جج. — جامبىل وبلىسى اكىمى اپپاراتىنىڭ اعا رەفەرەنتى. 1999-2000 جج. — جامبىل وبلىستىق ينۆەستيتسيالار جانە جەس كوميتەتىنىڭ توراعاسى. 2000 ج. — «مەترولوگيا» رمك الماتى بولىمشەسىنىڭ باسشىسى، «ۇلتتىق اككرەديتتەۋ ورتالىعى» اق ديرەكتورىنىڭ ءبىرىنشى ورىنباسارى.

2000-2005 جج. — «ۇلتتىق ساراپتاما جانە سەرتيفيكاتتاۋ ورتالىعى» ااق استانا قالاسى بويىنشا وندىرىستىك باسقارماسىنىڭ باسشىسى.

2005-2010 جج. — يندۋستريا جانە ساۋدا مينيسترلىگىنىڭ تەحنيكالىق رەتتەۋ جانە مەترولوگيا كوميتەتى توراعاسىنىڭ ورىنباسارى.

2010-2014 جج. — مۇناي جانە گاز مينيسترلىگىنىڭ مۇناي-گاز كەشەنىندەگى مەملەكەتتىك ينسپەكتسيا كوميتەتىنىڭ توراعاسى. 2014-2016 جج. — ەنەرگەتيكا مينيسترلىگىنىڭ مۇناي-گاز كەشەنىندەگى ەكولوگيالىق رەتتەۋ، باقىلاۋ جانە مەملەكەتتىك ينسپەكتسيا كوميتەتىنىڭ توراعاسى.

2016-2018 جج. — قر پرەزيدەنتى اكىمشىلىگىنىڭ مەملەكەتتىك ينسپەكتورى.

2018-2019 جج. — جامبىل وبلىسى اكىمىنىڭ ورىنباسارى. 2019-2021 جج. — قر ەنەرگەتيكا مينيسترلىگىنىڭ جاۋاپتى حاتشىسى.

2021 جىلدىڭ قاڭتارىنان قازىرگى ۋاقىتقا دەيىن قر ەنەرگەتيكا مينيسترلىگىنىڭ اپپارات باسشىسى بولدى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز