الاياقتىڭ بانك تەرميندەرىن ەركىن مەڭگەرگەنىنە قاراعاندا, ول بۇرىن نەمەسە ءالى دە بانك قىزمەتكەرى بولىپ ىستەيتىنى ءسوزسىز. وزىنە سەنىمدى داۋىس ەشقانداي قوبالجۋ نەمەسە سەنىمسىزدىك تۋعىزباعان. سونىمەن بىرگە ادامدى سەندىرە الاتىن گيپنوزدىق قاسيەتى دە بولۋى مۇمكىن. ويتكەنى ول الدىمەن ايەلگە 2 ملن تەڭگە راسىمدەپ, ونى باسقا بانكتەن اشىلعان «قوسىمشا شوتقا» اۋدارۋعا كوندىرگەن. كوپ كەشىكپەي تاعى دا قوڭىراۋ شالىپ, ايەلدى كەلەسى بانكتەن دە نەسيە الۋعا كوندىرگەن. بۇل سحەما بىرنەشە رەت قايتالانعان. قاسكويدىڭ نۇسقاۋىن ورىنداي وتىرىپ, جابىرلەنۋشى ايەل قورىتىندىسىندا بەس بانكتەن 8,5 ميلليوننان استام نەسيە العان. پوليتسيا مۇنداي الداۋعا ءتۇسۋدىڭ سىرى تەرەڭدە ەكەندىگىن ايتادى. الدىمەن الاياق, جوعارىدا ايتقانىمىزداي, بانك جۇيەسىنىڭ قىر-سىرىن ابدەن مەڭگەرگەن. بۇرىن قارىزى بار ادامعا باسقا بانك ونلاين رەجىمدە نەسيە بەرە قويمايدى. مىنا جەردە بەس بانك بىردەن 8,5 ملن تەڭگەنى بوساتۋىنىڭ سىرىن اشۋ كەرەك. بۇل – بانكتەر اراسىنداعى جەكە ادامعا قاتىستى دەرەكتەر ءبىر-بىرىنە بىردەن بەرىلمەي, اراعا ۋاقىت سالاتىنىن كورسەتەدى. سونى بىلگەن الاياق وزىنە سەنگەن ادامعا بىردەن بەس بانكتەن نەسيە الدىرىپ, ونى جىمقىرىپ كەتكەن.
سولتۇستىك قازاقستان وبلىستىق پد باستىعىنىڭ ورىنباسارى, پوليتسيا پولكوۆنيگى رۋسلان نازاروۆ «بانكتەن قوڭىراۋ شالىپ تۇرمىز» دەگەن سوزگە ەشقاشان سەنبەۋ كەرەك ەكەنىن ايتادى. «ويتكەنى بانك قىزمەتكەرلەرى ەشقاشان مۇنداي قوڭىراۋلار شالمايدى. ولار كليەنتتەن قانداي دا ءبىر بانك وپەراتسيالارىن جاساۋدى تالاپ ەتپەيدى. ەگەر ءسىز شوتتىڭ ساقتالۋىنا كۇماندانعان بولساڭىز بانككە ارنايى ءنومىر بويىنشا قوڭىراۋ شالىڭىز نەمەسە جەكە بانك فيليالىنا بارىڭىز», دەيدى ول.
قازىر جابىرلەنۋشىنى 8,5 ملن تەڭگەگە الداپ كەتكەن الاياقتىڭ ۇستىنەن قىلمىستىق كودەكستىڭ 190-بابى – «الاياقتىق» بويىنشا سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىنە ەنگىزىلىپ, ءىس قوزعالدى.
ايتا كەتەيىك, جىل باسىنان بەرى وبلىستا وسى تارىزدەس 499 ينتەرنەت الاياقتىق فاكتىسى تىركەلدى.
