«ەلدەرىمىز 2025 جىلعا دەيىنگى ونەركاسىپ ىنتىماقتاستىعىنىڭ باعدارلامالىق باعىتتارىن جۇزەگە اسىرۋ جونىندەگى ءىس-شارالار جوسپارىنىڭ جوباسىن ماقۇلداعان. بۇل باعىتتا رەسەي فەدەراتسياسىمەن جۇيەلى ىنتىماقتاستىعىمىز بار. تەك سوڭعى 2 جىلدىڭ ىشىندە عانا بىرقاتار ءىرى ونەركاسىپتىك جوبا جۇزەگە اسىرىلدى. اتاپ ايتقاندا, «لۋكويلمەن» بىرگە مايلاعىش ماتەريالدارىن ءوندىرۋ زاۋىتى, «كاماز-بەن» بىرگە ءاۆتوموبيلدىڭ بولشەكتەرىن شىعاراتىن ەكى جوبا, «تاتنەفتپەن» بىرگە شينا شىعاراتىن زاۋىت جانە وزگە دە بىرقاتار ماڭىزدى جوبا بار», دەدى قاسىم-جومارت توقاەۆ جوعارى ەۋرازيالىق ەكونوميكالىق كەڭەس وتىرىسىندا.
الايدا, مەملەكەت باسشىسىنىڭ اتاپ وتۋىنشە, وداقتىڭ باسقا ەلدەرىمەن ونەركاسىپتىك ىنتىماقتاستىقتىڭ الەۋەتى ءالى تولىق اشىلماي وتىر.
ء«ىرى جانە وزەكتى ينۆەستيتسيالىق جوبالار تاپشىلىعى بار. ۇكىمەتتەرگە ينتەگراتسيالىق ءوزارا ءىس-قيمىلدىڭ وسى ۆەكتورىن كۇشەيتۋ تۋرالى تاپسىرما بەرۋ دۇرىس بولادى دەپ سانايمىن», دەدى قاسىم-جومارت توقاەۆ.
