جىل قورىتىندىسىنا ارنالعان القا ءماجىلىسى

القا جۇمىسىنا پرەزيدەنت اكىمشىلىگىنىڭ وكىلدەرى, مەملەكەتتىك قىزمەت ىستەرى اگەنتتىگىنىڭ, «مەملەكەتتىك قىزمەتتىڭ پەرسونالىن باسقارۋ ۇلتتىق ورتالىعى» اق-تىڭ, پرەزيدەنت جانىنداعى مەملەكەتتىك باسقارۋ اكادەمياسىنىڭ باسشىلىعى, سونىمەن قاتار, اۋماقتىق بولىمدەردىڭ باسشىلىعى جانە اگەنتتىكتىڭ ورتالىق اپپاراتىنىڭ قىزمەتشىلەرى قاتىستى. قازاقستان پرەزيدەنتىنىڭ ەل حالقىنا ارناعان «قازاقستان جو­لى – 2050: ءبىر ماقسات, ءبىر ءمۇد­دە, ءبىر بولاشاق» اتتى جول­داۋى تۇرعىسىنان اگەنتتىكتىڭ ءمىن­دەت­تەرى تۋرالى بايانداما جاساعان اگەنتتىك توراعاسى ءالي­حان بايمەنوۆ مەملەكەتتىك قىز­مەت­تىڭ جاڭا مودەلىنىڭ وزەكتى ماسە­لەلەرىنە ەرەكشە نازار اۋداردى. الداعى دامۋ مەريتوكراتيا قا­عيداتتارىن قولدانۋ, كونكۋرس كوميسسياسى وتىرىستارىنداعى ساراپشىلار مەن باقىلاۋشىلاردىڭ قاتىسۋى, ەتيكالىق جانە تارتىپتىك باقىلاۋدى كۇشەيتۋ, پەرسونال­دى باسقارۋ قىزمەتتەرىن كاسىبي­لەندىرۋ, سونىمەن بىرگە, ۇسىنى­لاتىن مەملەكەتتىك قىزمەتتىڭ ساپاسى سياقتى وزەكتى باعىتتارعا يە بولادى. اگەنتتىك توراعاسى مەملەكەتتىك ورگاندا قۇجات اينالىمىنىڭ ايتارلىقتاي تومەندەۋى, جوعارى تۇرعان ورگاندارعا ۇسىنىلاتىن ەسەپتەمەلەر ءتىزىمىن قايتا قاراۋ بولاتىنىن باسا ايتتى. شەشىم شىعارۋ ءۇشىن اقپاراتتى جانە ەسەپتەمەلەردى قالىپتاستىرۋدىڭ قاعيداتتارى ماڭىزدىلىق, ءىس­كەر­لىك, ماقساتتىلىق جانە ىسكە اسا­تىندىق بولۋى قاجەت. ءا.بايمەنوۆ اۋماقتىق دە­پار­تامەنتتەردىڭ باسشىلارىنا پرەزيدەنت جولداۋىنىڭ ءتۇسىن­دىرۋ جۇمىستارىن كۇشەيتۋ جانە مەملەكەتتىك قىزمەتتىڭ جا­ڭا مودەلى بويىنشا, وڭىرلىك ءتارتىپ­تىك كەڭەستەر جۇمىسىنىڭ جاريا­لى­لىعىن قامتاماسىز ەتۋ, مەملە­كەتتىك ورگاندارداعى بوس ورىندار جانە وتكىزىلەتىن كونكۋرستار تۋرالى ۋاقتىلى حابارلاۋ بويىنشا بىرقاتار تاپسىرمالار بەردى. القانىڭ اياقتالۋىمەن پەر­سونالدى باسقارۋ تۇجى­رىم­دا­ماسىنىڭ جوباسى تانىستىرىلعان سەمينار وتكىزىلدى, سونىمەن قاتار, مەملەكەتتىك قىزمەتتە جەكە تۇل­عاارالىق قارىم-قاتىناس ونەرى ءجا­نە مەملەكەتتىك ورگاننىڭ وڭ بە­دەلىن قالىپتاستىرۋ تەحنو­لو­گيا­­لارى بويىنشا ترەنينگتەر ءوتتى. «ەگەمەن-اقپارات».