الەم • 14 قازان، 2021

پرەزيدەنت ەكپە الۋدان باس تارتتى

726 رەت كورسەتىلدى

برازيليا پرەزيدەنتى جاير بولسونارۋ COVID-19 ۆاكتسيناسىن سالدىرمايتىنىن ايتتى، دەپ حابارلايدى Egemen.kz.

بۇل تۋرالى Notimérica سايتى مالىمدەدى.

باسىلىمنىڭ مالىمەتىنشە، بۇعان دەيىن برازيليا پرەزيدەنتى ۆاكتسينا سالدىرعان «سوڭعى برازيليالىق» بولاتىنىن ايتقان بولاتىن.

«مەن ۆاكتسينا سالدىرمايمىن دەپ شەشتىم. جاڭا زەرتتەۋلەردى قاراپ جاتىرمىن، مەندە يممۋنداۋدىڭ ەڭ جوعارى دەڭگەيى بار، نەگە ۆاكتسينا سالدىرۋىم كەرەك؟ بۇل لوتەرەيادان ۇتىس ۇتۋ ءۇشىن 10 رەال تىككەنمەن بىردەي»، دەدى پرەزيدەنت.

بولسونارۋ سونىمەن قاتار برازيليانىڭ كەيبىر ءىرى قالالارىندا بەلگىلى ءبىر قوعامدىق ورىندارعا كىرۋ ءۇشىن ۆاكتسيناتسيالانعان ادامدارعا بەرىلەتىن سانيتارلىق رۇقسات قاعازدارىنا ءۇزىلدى-كەسىلدى قارسى.
 
«مەن ءۇشىن بوستاندىق بارىنەن جوعارى. ەگەر ازامات ۆاكتسينا العىسى كەلمەسە، بۇل ونىڭ قۇقىعى»، دەدى بولسونارۋ.

برازيليانىڭ 213 ميلليون حالقىنىڭ 100 ميلليونعا جۋىعى COVID-19-عا ۆاكتسيناسىن تولىقتاي سالدىردى، تاعى 50 ميلليون ادام ۆاكتسينانىڭ العاشقى دوزاسىن الدى. برازيليا وتكەن اپتادا اۋرۋ جۇقتىرۋدان اقش-تان كەيىنگى ەكىنشى ورىندى الدى، 600 مىڭ ادام كوروناۆيرۋستان قايتىس بولدى.

ايتا كەتەيىك، برازيليا پرەزيدەنتى پاندەميا باستالعاننان بەرى بىرنەشە رەت ساراپشىلاردىڭ ۇندەۋلەرىن ەلەمەي، ماسكا كيۋدەن باس تارتىپ، وقشاۋلاۋ شارالارىن قولدانۋعا قارسى بولدى. 

سوڭعى جاڭالىقتار

سىردىڭ سۋى تومەندەپ بارادى

ايماقتار • بۇگىن، 17:27

دوللار ارزاندادى

قارجى • بۇگىن، 16:56

الماتى ماڭىندا جەر سىلكىندى

ايماقتار • بۇگىن، 16:38

قازاقستاندا ەت قىمباتتادى

قوعام • بۇگىن، 15:10

ەلىمىزدە كيىك سانى كوبەيىپ كەلەدى

قازاقستان • بۇگىن، 14:41

ۇقساس جاڭالىقتار