بۇل تۋرالى Reuters اگەنتتىگى مالىمدەدى.
توپ قۇرامىندا اقش جانە قىتاي, سونداي-اق 24 ەلدىڭ عالىمدارى بار. ولار قوعامدىق كەڭەستەردىڭ قىسقا كەزەڭىنەن كەيىن رەسمي تۇردە راسىمدەلەدى. توپ جاڭا قوزدىرعىشتاردىڭ پايدا بولۋى بويىنشا عىلىمي-كەڭەس بەرۋ توبى (SAGO) دەپ اتالدى. عالىمدار كوروناۆيرۋستىڭ شىعۋ تەگىن زەرتتەۋمەن قاتار, بولاشاقتا ءورشۋى مۇمكىن ۆيرۋس وشاقتارىن انىقتاۋمەن اينالىسادى.
SAGO قۇرامىندا ددسۇ-نىڭ وسىنىڭ الدىنداعى ميسسيا مۇشەلەرى دە بولادى, الايدا توپتا كوبىنە جاڭا عالىمدار. ۇيىم وكىلدەرىنىڭ سوزىنشە, وسى سالا بويىنشا مامانداندىرىلعان 700-گە جۋىق ادام كوماندا قۇرامىندا بولۋعا ءوتىنىش تاستاعان. ولار ەكى جىل بويى ەشقانداي اقىسىز جۇمىس ىستەيتىن بولادى.
ددسۇ جاڭا اۋرۋلار ءبولىمىنىڭ باسشىسى ماريا ۆان كەركحوۆە توپ قىتايدا جانە باسقا دا ەلدەردە جاڭا ميسسيالاردى ورىندايدى دەپ ۇمىتتەنىپ وتىر.
