سونىڭ ناتيجەسىندە ەندى «سامۇرىق-قازىنانىڭ» كومپانيالار توبىنداعى كاسىپورىندار بوس جۇمىس ورىندارى تۋرالى اقپاراتتى ەلەكتروندى ەڭبەك بيرجاسىنا دا ورنالاستىرا الادى.
«جالپى, ءبىز ەلەكتروندى ەڭبەك بيرجاسىنداعى بوس جۇمىس ورىندارىنىڭ اياسىن ۇنەمى كەڭەيتىپ وتىرۋعا تىرىسامىز. ياعني جۇمىس ىزدەگەن ادامعا بۇل بارىنشا كوپ مۇمكىندىك بەرەدى. ەندى ەلەكتروندى ەڭبەك بيرجاسى مەن قوردىڭ پورتالى ىقپالداسقاننان سوڭ, جۇمىس ىزدەگەن ادامعا قوسىمشا «سامۇرىق-قازىنا» اق كومپانيالار توبىنا كىرەتىن 170-تەن استام ۇيىمنىڭ بوس ورىندارى قولجەتىمدى بولادى», دەدى «ەردو» اق پرەزيدەنتى داۋلەت ارعىندىقوۆ.
قازىرگى تاڭدا قورعا كىرەتىن 59 كومپانيا 900-گە جۋىق بوس جۇمىس ورنى تۋرالى اقپاراتتى ەلەكتروندى ەڭبەك بيرجاسىنا ورنالاستىرىپ ۇلگەرگەن. وسى 900 بوس جۇمىس ورنىنىڭ 650-دەن استامى تۇراقتى جۇمىس بولىپ سانالادى.
ال «سامۇرىق-قازىنا» كورپوراتيۆتىك ۋنيۆەرسيتەتىنىڭ ديرەكتورى بەكسۇلتان بەكمۇراتوۆتىڭ ايتۋىنشا, ەكى پورتالدى بىرىكتىرۋ ەڭبەك نارىعىنداعى ۇلكەن قادامداردىڭ ءبىرى بولدى.
«ەكى پورتالدى بىرىكتىرۋ ارقىلى قازاقستاندىقتارعا جۇمىستى تەز ءارى ءتيىمدى ىزدەۋگە مۇمكىندىك اشىلادى. ال «سامۇرىق-قازىنا» اق توبىنىڭ كومپانيالارى ءۇشىن ىزدەنۋشىلەردىڭ سانى كوبەيىپ, سونىڭ ناتيجەسىندە بىلىكتى مامانداردى نەعۇرلىم ساپالى ىرىكتەۋگە بولادى. ءوز كەزەگىندە ەلەكتروندى ەڭبەك بيرجاسىنىڭ پورتالى جاڭا جانە وزەكتى بوس ورىندارمەن تولىعىپ وتىرادى», دەيدى ب.بەكمۇراتوۆ.
جۇمىس ىزدەگەن ادامدار قوسىمشا اقپاراتتى enbek.kz جانە qsamruk.kz سايتتارىنان تابا الادى.
