قوعام • 13 قازان، 2021

«كۇن سايىن 164 وتباسى اجىراسادى» – دەپۋتات مەكتەپكە ارنايى ساباق ەنگىزۋدى ۇسىندى

55 رەت كورسەتىلدى

ءماجىلىس دەپۋتاتى دارحان مىڭباي قازاقستاندا اجىراسۋ كوبەيگەنىنە نازار اۋداردى. ەلىمىزدە كۇن سايىن 150 جۇپ اجىراسادى. بۇل جاعدايدىڭ الدىن الۋ ءۇشىن دەپۋتات ەلىمىزدىڭ مەكتەپتەرى مەن جوعارى وقۋ ورىندارىندا ارنايى ساباق ەنگىزۋدى ۇسىندى، دەپ حابارلايدى Egemen.kz.

بۇگىندە وتە ماڭىزدى ماسەلەنىڭ ءبىر ۇشى جاستاردىڭ اجىراسۋىنا بايلانىستى بولىپ وتىر. ويتكەنى وتباسىن قۇرۋ، كوپبالالى بولۋ - حالىق سانىن كوبەيتۋدىڭ نەگىزى.

«2015 جىلدان باستاپ 2019 جىلعا دەيىن 709،6 مىڭ نەكە تىركەلگەن، ال اجىراسقان وتباسىلاردىڭ سانى - 274،5 مىڭ. ياعني تىركەلگەن نەكەمەن سالىستىرعاندا اجىراسۋلار سانى 35 پايىزدان 43 پايىزعا دەيىن ءوستى. كەيىنگى 5 جىلدا كۇنىنە 389 نەكە تىركەلىپ، 150 وتباسى اجىراسقان»، دەدى د.مىڭباي ءماجىلىس وتىرىسىندا.

ونىڭ ايتۋىنشا، 2019 جىلى 59 796 نەكە بۇزىلعان، ياعني ءبىر كۇندە 164 وتباسى اجىراسقان. بيىل 120 مىڭعا جۋىق ادام نەكەسىن بۇزدى، ونىڭ 60 مىڭنان استامى 18-35 جاس ارالىعىنداعى جاستار. 30-34 جاس ارالىعىنداعىلار كوپ اجىراسادى.

دەپۋتات مەكتەپتەر مەن جوعارى وقۋ ورىندارىندا تۇراقتى وتباسى ينستيتۋتىنىڭ قۇندىلىقتارىن دارىپتەۋ بويىنشا ارنايى ساباق ەنگىزۋدى ۇسىندى.
 
«سوت جانىنداعى مەدياتسيا ينستيتۋتىنىڭ جۇمىسىن جاقسارتۋ، ەرلى-زايىپتىلاردىڭ تاتۋلاسۋ مەرزىمىن التى ايعا دەيىن ۇزارتۋ. دامىعان ەلدەردە اجىراسۋ ۇزاق ءارى قىمبات پروتسەسس.

تۇرعىن ءۇي ساتىپ الۋ ءۇشىن كوپبالالى وتباسىلارعا زەينەتاقى جيناقتارىنىڭ جەتكىلىكتى مولشەرىن «وتباسى بانكىنە» اۋىستىرۋعا قولداۋدى جەتىلدىرۋ قاجەت»، دەدى دەپۋتات.

سوڭعى جاڭالىقتار

تەڭىز تۇيسىگى

ونەر • كەشە

اڭشىلىق – اسىل ونەر

رۋحانيات • كەشە

ۇقساس جاڭالىقتار