شقو دەنساۋلىق ساقتاۋ باسقارماسى ءباسپاسوز قىزمەتىنىڭ مالىمەتىنە سۇيەنسەك, بۇگىندە ءوڭىر جۇرتشىلىعىنىڭ 78,9 پايىزى كوروناۆيرۋسقا قارسى ەكپەنىڭ 1-ءشى كومپونەنتىن سالدىردى.
ال حالىقتىڭ 64,9 پايىزى ۆاكتسينانىڭ ەكى كومپونەنتىن تولىق العان. وبلىستا حالىققا ۆاكتسينا سالدىرۋ كورسەتكىشى بويىنشا ءۇرجار (99,1%), اياگوز (99,1%) جانە بەسقاراعاي (98,9%) اۋداندارى كوش باستاپ تۇر. ال ەڭ سوڭعى ورىندا – شەمونايحا اۋدانى (66,2%).
«2021 جىلدىڭ سوڭىنا دەيىن ايماققا Pfizer ۆاكتسيناسى جەتكىزىلەدى. الايدا ازىرگە ناقتى قانشا دوزا ەكەنى بەلگىسىز. بۇل ۆاكتسينا وتە سۋىق تەمپەراتۋرادا ساقتالۋى كەرەك. سوندىقتان ەكپەنى وسكەمەن مەن سەمەيدەگى قان ورتالىقتارىنىڭ مۇزداتقىشتارىنا ورنالاستىرۋ كوزدەلىپ وتىر», دەلىنگەن حابارلامادا.
