كوروناۆيرۋس • 13 قازان، 2021

قازاقستانداعى ۆاكتسينا قورى بەلگىلى بولدى

102 رەت كورسەتىلدى

قر دەنساۋلىق ساقتاۋ مينيسترلىگى سانيتارلىق-ەپيدەميولوگيالىق باقىلاۋ كوميتەتىنىڭ رەسمي وكىلى ەرجان بايتاناەۆ حالىقتى كوروناۆيرۋس ينفەكتسياسىنا قارسى ۆاكتسينالاۋ جۇمىستارى تۋرالى ايتىپ بەردى، دەپ حابارلايدى Egemen.kz.

«قازىرگى ۋاقىتتا رەسپۋبليكا بويىنشا كوروناۆيرۋس ينفەكتسياسىنا قارسى ۆاكتسينالاۋدى ۇيىمداستىرۋ جانە جۇرگىزۋ جۇمىستارى جالعاسۋدا. 2021 جىلعى اقپاننان باستاپ وڭىرلەرگە 18،5 ملن استام ۆاكتسينا دوزاسى جەتكىزىلدى، ونىڭ ىشىندە ءى كومپونەنتكە 9،4 ملن دوزا جانە ءىى كومپونەنتكە 9،1 ملن دوزا ۆاكتسينا بار. ازىرگە رەسپۋبليكا بويىنشا ءبىرىنشى كومپونەنتپەن – 7 884 798 ادام ەگىلدى، ياعني ءتيىستى كونتينگەنتتىڭ 79،1%-ى قامتىلدى، ەكىنشى كومپونەنتپەن 6 942 756 ادام (69،6%) ۆاكتسينالاندى»، دەپ مالىمدەدى ەرجان بايتاناەۆ.

ونىڭ ايتۋىنشا، قر دەنساۋلىق ساقتاۋ مينيسترلىگى جەرگىلىكتى اتقارۋشى جانە مۇددەلى مەملەكەتتىك ورگاندارمەن حالىقتى كوروناۆيرۋس ينفەكتسياسىنا قارسى يممۋنداۋ جونىندەگى كەشەندى جوسپاردى ازىرلەپ، ماقۇلدادى. ول كوروناۆيرۋسقا قارسى ۆاكتسينالاۋدى ۇيىمداستىرۋ، حالىقارالىق تاجىريبەنى زەردەلەۋ، پروفيلاكتيكالىق ەكپەلەردى ەسەپكە الۋدى تسيفرلاندىرۋ جانە حالىقپەن ۆاكتسينانىڭ ماڭىزى تۋرالى كوممۋنيكاتسيالىق جۇمىستى قامتيدى.

«كەشەندى جوسپار قازاقستان رەسپۋبليكاسى اۋماعىندا كوروناۆيرۋس ينفەكتسياسىنىڭ پايدا بولۋى مەن تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ 2021 جىلعى 9 اقپانداعى حاتتاماسىمەن بەكىتىلگەن. بۇگىنگى كۇنى كەشەندى جوسپاردىڭ بارلىق تارماقتارى ورىندالدى. كۆي-عا قارسى ۆاكتسينامەن قامتۋ بويىنشا قازاقستان تمد ەلدەرى اراسىندا 2-ءشى جانە الەمنىڭ بارلىق ەلدەرى اراسىندا 42-ءشى ورىندا تۇر. قازاقستاندا 9،9 ملن ادامعا بەس ءتۇرلى ۆاكتسينا دوزالارى قولجەتىمدى. دۇنيەجۇزىلىك دەنساۋلىق ساقتاۋ ۇيىمى وسى ينفەكتسياعا قارسى جىل سوڭىنا دەيىن حالىقتىڭ 40%-دان استامىن جانە 2022 جىلى 70%-ىن ۆاكتسينامەن قامتۋدى ۇسىنادى»، دەيدى ە.بايتاناەۆ.

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار