ەت كونسەرۆىلەۋ زاۋىتىنىڭ ديرەكتورى نيكيتا رەنكاستىڭ ايتۋىنشا, كاسىپورىن بيىل مەملەكەتتىك باعدارلامانىڭ كومەگىمەن بالىق كونسەرۆىلەيتىن اۆتوماتتاندىرىلعان زاماناۋي قۇرىلعى ورناتقان. بۇل ءوندىرىس كولەمىن جىلىنا 23 ملن كونسەرۆىگە دەيىن ۇلعايتۋعا مۇمكىندىك بەرىپ وتىر. قازىر مۇندا سىرتتان اكەلىنەتىن تەڭىز بالىقتارى مەن جەرگىلىكتى وزەن-كول ونىمدەرىنەن 15 ءتۇرلى قاڭىلتىر قۇتىلى كونسەرۆى جابىلادى.
– باستى ماقسات – تۇرعىنداردى جەرگىلىكتى ت ۇلىك پەن بالىق ەتىنەن جاسالعان ساپالى كونسەرۆىلەرمەن قامتاماسىز ەتۋ. ءبىز بالىقپەن قاتار, بۇرىننان مال, قۇس ەتتەرىن بۇقتىرىپ كونسەرۆىلەۋمەن اينالىسامىز. زاۋىت شىعارىپ جاتقان ەت كونسەرۆىلەرىنىڭ بارىنە قوستاناي وبلىسىندا وسىرىلگەن ت ۇلىك ونىمدەرى شيكىزات رەتىندە پايدالانىلادى, – دەدى كاسىپورىن باسشىسى.
بيىل كونسەرۆى زاۋىتى «قاراپايىم زاتتار ەكونوميكاسى» باعدارلاماسى ارقىلى «First Heartland Jýsan Bank» اق-دان 104 ملن تەڭگە نەسيە الىپ, وعان جەكە عيمارات ساتىپ الىپ, كۇردەلى جوندەۋ جاساپ, بالىق كونسەرۆىلەيتىن زاماناۋي قۇرىلعى ورناتقان. نەسيە ءوسىمىنىڭ جارتىسىن «دامۋ» قورى ارقىلى مەملەكەت وتەپ بەرەدى.
بۇگىندە بىرنەشە ادام جۇمىس ىستەيتىن جاڭا كاسىپورىن ءبىر اۋىسىمدا 20 مىڭعا جۋىق بالىق كونسەرۆىسىن شىعارادى. دايىن ونىمدەر كۇندەلىكتى كولىككە تيەلىپ, جەرگىلىكتى سۋپەرماركەتتەرگە جونەلتىلىپ وتىرادى.
– جاڭا وندىرىستىك جەلى تامىز ايىندا اشىلدى. مۇنى وتە ءساتتى جوبا دەۋگە بولادى, ويتكەنى قازىردىڭ وزىندە تابىس اكەلە باستادى. ءونىم كولەمى اي ساناپ ۇلعايىپ كەلەدى. بۇگىندە تومات پەن مايعا بۇقتىرىلعان شاباق, سىرتتان كەلەتىن سەلد جانە توبىل وڭىرىندەگى بالىق شارۋاشىلىقتارىنان اكەلىنەتىن موڭكە, سازان, شورتان بالىقتارىن كونسەرۆىلەپ جاتىرمىز. جەرگىلىكتى ءونىمنىڭ ءوتىمى جامان ەمەس, نەگىزى وزەن-سۋ بالىقتارى تەڭىزدىكىنە قاراعاندا پايدالى بولادى. تەڭىز جاعالاۋىنداعى ەلدەردە وزەن-كول بالىعىنا سۇرانىس جوعارى ەكەنى تەگىن ەمەس, – دەدى نيكيتا رەنكاس.
تاۋەلسىزدىكتىڭ العاشقى جىلدارى اشىلعان قوستاناي كونسەرۆى زاۋىتى ۇزاق جىلداردان بەرى ەلىمىزدىڭ كۇش قۇرىلىمدارى مەن كەنشىلەردى ساپالى ەت كونسەرۆىلەرىمەن قامتاماسىز ەتىپ كەلەدى. بۇگىندە كاسىپورىن ءوز ونىمدەرىن نەگىزىنەن قوستاناي, اقمولا وبلىستارى مەن ەل استاناسىنا جىبەرىپ جاتىر.
