يراندا كۇندەلىكتى اعىلشىن تىلىندە جارىققا شىعاتىن گازەتتىڭ باس رەداكتورى ءالي اكبار دجەنابزادە «ەگەمەن قازاقستان» رەسپۋبليكالىق گازەتى» اق باسقارما توراعاسى دارحان قىدىرالىمەن كەزدەستى.
كەزدەسۋدە باسىلىم باسشىلارى قازىرگى گازەت شىعارۋ ىسىندەگى وزەكتى ماسەلەلەردى, ءداستۇرلى مەديانىڭ بۇگىنگى احۋالىن, ەكى ەلدەگى باق سالاسىنىڭ ەرەكشەلىكتەرى مەن پاندەميانىڭ ءباسپاسوز سالاسىنا اسەرىن تالقىلاپ, كۇردەلى كەزەڭدە گازەت شىعارۋعا قاتىستى تاجىريبەلەرىن ورتاعا سالدى.
دارحان قىدىرالى «Egemen Qazaqstan» جانە «كازاحستانسكايا پراۆدا» گازەتتەرىنىڭ عاسىرلىق تاريحىنا توقتالىپ, بۇگىندە ءبىر شاڭىراق استىندا بىرلەسە جۇمىس ىستەپ جاتقان شىعارماشىلىق ۇجىمداردىڭ جۇمىسى جايلى اڭگىمەلەدى. گازەت باسشىسى بىلتىرعى كۇردەلى كەزەڭدە ەلىمىزدە باسىلىمداردىڭ ەڭ سەنىمدى اقپارات كوزىنە اينالعانىنا توقتالا كەلە, قازاقستان ءباسپاسوزىنىڭ بۇگىنگى جاعدايى جايلى ايتتى.
قوس باسىلىمنىڭ تەرەڭ تاريحىنا ەرەكشە قىزىعۋشىلىق تانىتىپ, قازاق ءباسپاسوزى جايلى مالىمەت العان ءالي اكبار دجەنابزادە يرانداعى گازەت شىعارۋ ءىسى مەن Tehran times گازەتىنىڭ پاندەميا كەزىندە تاپ بولعان قيىندىقتارى جايلى باياندادى. ول كەزدەسۋ ءۇشىن ريزاشىلىعىن ءبىلدىرىپ, باسىلىمدار اراسىندا ءوزارا ىنتىماقتاستىق ورناتۋ تۋرالى ۇسىنىس ءبىلدىردى.
