وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى ءباسپاسوز قىزمەتىنءىڭ اقپاراتىنا سۇيەنسەك, مۇنايلى وڭىرگە قونىستانعان 179 وتباسىنىڭ قۇرامىندا 254 ەتنيكالىق قازاق بار.
«ونىڭ ىشىندە وزبەكستان رەسپۋبليكاسىنان – 232, قىتاي حالىق رەسپۋبليكاسىنان – 19, رەسەي فەدەراتسياسىنان 3 ادام كوشىپ كەلدى. اتامەكەنىن اڭساپ جەتكەن قانداستار اتىراۋ قالاسىنا, يساتاي, جىلىوي, ماقات اۋداندارىنا قونىستاندى. قانداستاردىڭ اراسىندا جۇمىس ىستەۋگە قابىلەتتى جاستاعى 180 ادام بار. مەكتەپكە دەيىنگى بالالار سانى – 35. ال, 33-ءى – مەكتەپ جاسىنداعى بالالار. سونداي-اق, 6 ادام زەينەتكەرلىك دەمالىسقا شىققان» دەپ حابارلادى باسقارمانىڭ ءباسپاسوز قىزمەتى.
قازاقستان رەسپۋبليكاسىنىڭ ازاماتتىعىن جەڭىلدەتىلگەن تارتىپپەن قابىلداۋ ءۇشىن 37 ادامعا بۇرىن بەرىلگەن ورالمان مارتەبەسىن التى ايدان اسپايتىن مەرزىمگە ءبىر رەت ۇزارتۋ تۋرالى شەشىم قابىلدانعان.
