سپورت • 12 قازان، 2021

«بۋرەۆەستنيك» ءۇشىنشى جەڭىسىنە قول جەتكىزدى

54 رەت كورسەتىلدى

بۇل كۇندەرى تايلاندتىڭ ناكحونپاتحوم قالاسىندا ۆولەيبولدان ەرلەر اراسىنداعى ازيانىڭ كلۋبتىق چەمپيوناتى وتۋدە.

بۇل جارىستا الماتىنىڭ «بۋرەۆەستنيگى» تابىستى ونەر كورسەتۋدە. تۇساۋكەسەر باسكەسىندە يراكتىڭ «سوۋز گازىنان» 2:3 ەسەبىمەن جەڭىلىپ قالىپ، كوڭىلىمىزدى ءبىراز جابىرقاتقان جەرلەستەرىمىز ەسەسىنە كەلەسى قوس كەزدەسۋدە قارسىلاستارىن ويسىراتا ۇتتى.

اتاپ ايتساق، جەرگىلىكتى «ناحون رادچاسيما» مەن شري-لانكانىڭ «سەب» كلۋبتارىنان 3:0 ەسەبىمەن باسىم ءتۇستى. كەشە ءبىزدىڭ جىگىتتەر كۋۆەيتتىڭ «كازماسىمەن» كۇش سىناستى. ءۇش سەتتىك سايىستا الماتىلىق ۆولەيبولشىلاردىڭ ۇستەمدىگى ەش كۇمان تۋعىزعان جوق.

بۇل ويىندا دا 3:0 (25:17، 25:20، 25:22) ەسەبى تىركەلدى.

وسىلايشا، 10 ۇپايدى قورجىنعا سالىپ، ا توبىندا كوش باستاعان «بۋرەۆەستنيك» پلەي-وففقا جولداما الدى.

 

سوڭعى جاڭالىقتار

ددسۇ QazVac-تى قاشان مويىندايدى؟

كوروناۆيرۋس • بۇگىن، 12:35

ۇقساس جاڭالىقتار