رەسەي فەدەراتسياسىنىڭ ازاماتى نۇر-سۇلتان قالاسىنىڭ حالىقارالىق اۋەجايى ارقىلى جالپى سالماعى 2 مىڭ كگ-نان اساتىن مامونتتاردىڭ ازۋى مەن ءجۇندى مۇيىزتۇمسىقتاردىڭ ءمۇيىزىن قىتاي حالىق رەسپۋبليكاسىنا كونتراباندالىق جولمەن اكەتۋگە تىرىسقانى انىقتالدى.
تاۋاردى جونەلتۋشى – ماسكەۋ قالاسىنداعى جشق ديرەكتورى. پالەونتولوگيالىق ماتەريالداردى قازاقستان رەسپۋبليكاسىنىڭ اۋماعىنا اكەلۋ جانە ودان ءارى قحر-عا جىبەرۋ ماقساتىندا نۇر-سۇلتان قالاسىندا جشس تىركەلىپ, ديرەكتورى بولىپ رەسەي فەدەراتسياسىنىڭ ازاماتى تاعايىندالعان.
مامانداردىڭ قورىتىندىلارىنا سايكەس مامونتتار مەن ءجۇندى مۇيىزتۇمسىقتاردىڭ قازبا قالدىقتارىنىڭ زەرتتەلگەن بارلىق بولىكتەرى پالەونتولوگيالىق ارەتفاكتىلەردىڭ عىلىمي-تاريحي, مادەني قۇندىلىعى بار. زەرتتەلگەن قازبا قالدىقتارىنىڭ بارلىق بولىكتەرىنىڭ قۇنى 173 ميلليون تەڭگەنى قۇرايدى.
قولدانىستاعى زاڭناماعا سايكەس مادەني قۇندىلىقتاردى قازاقستان رەسپۋبليكاسىنان تىس جەرلەرگە اكەتۋگە تىيىم سالىنادى.
وسىلايشا, ۇستالعان ازامات اسا ءىرى كولەمدە ەكونوميكالىق كونتراباندا جاسادى دەگەن كۇدىككە ءىلىندى.
2021 جىلعى 1 قازاندا كۇدىكتى ۇستالىپ, سوتتىڭ سانكتسياسىمەن قاماۋعا الىندى.
