الەم • 12 قازان، 2021

ددسۇ ۆاكتسينانىڭ ءۇشىنشى كومپونەنتىن ماقۇلدادى

دۇنيەجۇزىلىك دەنساۋلىق ساقتاۋ ۇيىمى يممۋنيتەتى ءالسىز ادامدارعا ارنالعان كوروناۆيرۋسقا قارسى ەكپەنىڭ ءۇشىنشى دوزاسىن ۇسىندى، دەپ حابارلايدى Egemen.kz.

گاۋھار قاپاش

بۇل تۋرالى Reuters سايتى مالىمدەدى.

دۇنيەجۇزىلىك دەنساۋلىق ساقتاۋ ۇيىمى، يممۋنداۋ بويىنشا ساراپشىلاردىڭ ستراتەگيالىق كەڭەس توبى يممۋنيتەتى ءالسىز ادامدارعا قوسىمشا ەكپە ۇسىنىلۋى ءتيىس دەپ سانايدى. ويتكەنى ولارعا «قالىپتى ەكپە الۋ» جەتكىلىكسىز بولۋى ءمۇمىن ءارى COVID-19-دىڭ اۋىر تۇرىمەن قايتا اۋىرۋى ىقتيمال.

«بۇل ۇسىنىس ءۇشىنشى ەكپەگە ارنالعان جانە يممۋنوگەندىلىك پەن ينفەكتسيا دەرەگى بۇل ادامدارعا سايكەس كەلمەيتىنىن كورسەتەتىن دالەلدەرگە نەگىزدەلگەن»، دەدى ۇيىمنىڭ يممۋنداۋ ءبولىمىنىڭ باسشىسى كەيت و'برايەن.

ساراپشىلار قىتايلىق Sinovac نەمەسە Sinopharm ەكپەلەرىن العان 60 جاستان اسقان ادامدارعا ەكپەنىڭ قوسىمشا دوزاسىن ۇسىندى. ولار زەرتتەۋ ناتيجەسىنە بۇل ەكپەلەر ەگدە جاستاعى توپتاردا «ۋاقىت وتە ناشار جۇمىس ىستەيتىنىن» كورسەتتى دەپ ءتۇسىندىردى.

تاۋەلسىز ساراپشىلاردان جينالعان SAGE توبى 11 قاراشادا وتەتىن دوزالار تۋرالى بارلىق جاھاندىق دەرەكتەردى ءالسىز يممۋنيتەتكە قاتىستى سۇراقتار اياسىندا قاراستىرۋدى جوسپارلاپ وتىر.

اي سايىن بۇكىل الەمدە شامامەن 1،5 ميلليارد دوزا قولجەتىمدى، بۇل جىل سوڭىنا دەيىن ءار ەلدىڭ 40 پايىزىنا ەكپە سالۋ ماقساتىنا جەتۋ ءۇشىن جەتكىلىكتى، بىراق بىركەلكى جۇزەگە اسىپ جاتقان جوق. سوندىقتان كەڭەس توبى ەڭ الدىمەن ەگدە جاستاعى ادامدارعا ەكى دوزامەن سالۋعا باسا نازار اۋدارۋ كەرەك ەكەنىن اتاپ ءوتتى.

بۇعان دەيىن ددۇ باس ديرەكتورى تەدروس ادحانوم گەبرەيۋس رەۆاكتسيناتسياعا ۋاقىتشا موراتوري جاريالاۋعا شاقىرعان بولاتىن. ونىڭ ايتۋىنشا، الەمنىڭ باي جانە كەدەي ەلدەرى اراسىندا ەكپە سالۋدىڭ بىركەلكى بولماۋى سالدارىنان مورالدىق اپات الدىندا تۇر.