بۇل تۋرالى Pavlodarnews.kz. ءمالىم ەتتى.
پاۆلودار وبلىستىق ۆەتەريناريا باسقارماسىنىڭ مالىمدەۋىنشە, 3 قازاندا بەرەزوۆكا اۋىلىنىڭ تۇرعىنى ۆوسكرەسەنسكي اۋىلدىق وكرۋگىنىڭ ۆەتەرينارلىق پۋنكتىنىڭ مەڭگەرۋشىسىنە حابارلاسىپ, 1 قازاننان 3 قازانعا دەيىن بەلگىسىز سەبەپتەرمەن 42 قاز ولگەنى تۋرالى حابارلاعان.
«4 قازاندا قۇستىڭ ءولۋ فاكتىسى بويىنشا ۆەتەريناريا باسقارماسى مەن اۋماقتىق ينسپەكتسيا وكىلدەرى بەرەزوۆكاعا بارىپ, ولگەن قازداردان پاتولوگيالىق ماتەريالدار الدى. سىنامالار قۇس تۇماۋىنا تەكسەرۋ ءۇشىن نۇر-سۇلتانداعى ۇلتتىق ۆەتەريناريانىڭ رەفەرەنتتىك ورتالىعىنا جىبەرىلدى. ويتكەنى اۋلاداعى قۇستاردا بۇل ينفەكتسيانىڭ سىرتقى كلينيكالىق بەلگىلەرى بولعان», دەدى باسقارمادا.
8 قازاندا ساراپتاما جوعارى پاتوگەندى قۇس تۇماۋىنىڭ دياگنوزىن راستادى. سوندىقتان اۋرۋدىڭ وشاعىنا كارانتين ەنگىزىلدى. قۇستاردىڭ ولەكسەسى مال قورىمىندا ورتەۋ ارقىلى جويىلدى.
بەرەزوۆكا اۋىلىندا 85 ءۇي بار. ولاردىڭ 36-سى ءۇي قۇستارىن ۇستايدى. بارلىعى 1106 باس: ونىڭ ىشىندە 620 تاۋىق, 186 ۇيرەك, 300 قاز بار.
بولجام بويىنشا ينفەكتسيا كوزى - جابايى قۇستار. سەبەبى, قۇستار ولەردەن بىرنەشە كۇن بۇرىن قۇس قورادا كوگەرشىندەردىڭ ولەكسەسى تابىلعان.
11 قازاننان باستاپ اۋىلدا «رەسپۋبليكالىق ەپيزووتياعا قارسى توپ» رمك كومەگىمەن جوعارى پاتوگەندى قۇس تۇماۋىن جويۋ بويىنشا جۇمىس جۇرگىزىلەتىن بولادى.
يەلەرىنە ولگەن جانە ۇستالعان قۇستاردىڭ قۇنى وتەلەدى.
