الماتىدا ىندەتپەن كۇرەسۋ ءتاسىلى وزگەرەدى

قالا اكىمىنىڭ ورىنباسارى ەرجان باباقۇماروۆ شاھاردا جەدەل جاردەمنىڭ اۋرۋحاناعا جات­قىزۋ ءرولى وزگەرەتىنىن، دەرت­تىڭ اۋىرلىعى مەن ەپيدەميا قار­قىنىنا بايلانىستى ينفەك­تسيا­لىق ستاتسيونارلاردىڭ جۇ­مى­سى ءۇش ەشەلونعا بولىنەتىنىن جەت­كىزدى.

«الماتىدا بسمك جۇمىسى قايتا جاساقتالدى، وندا 364 ءمو­بيلدى بريگادا قۇرىلىپ، ۋچاس­كەلىك دارىگەرلەردىڭ الەۋەتى كۇ­شەي­تىلدى، ەمحانالارعا قو­سىمشا 70 ماشينا بەرىلدى. بىلتىر قۇ­رىل­عان تەلەمەديتسينا ورتا­لى­عى ارقىلى پاتسيەنتتەردى ۇيدە ەمدەۋگە باقىلاۋ جاسالدى»، دەدى ە.باباقۇماروۆ.

الماتىدا ءولىم-جىتىممەن كۇ­رەسۋ ءۇشىن قالانىڭ شتاتتان تىس باس رەانيماتولوگى باستاعان بىرىڭعاي رەانيماتسيالىق توپ جۇمىس ىستەيدى جانە ول قالانىڭ بارلىق رەانيماتسيالارىنىڭ جۇ­مىسىنا جەتەكشىلىك ەتەدى. بۇدان وزگە، قالادا تاۋلىكتىك قۋا­تى 16 مىڭ زەرتتەۋگە دەيىن­گى 28 پتر-زەرتحانانىڭ ورتالىق­تان­دىرىلعان جەلىسى (جانە 27 مىڭعا دەيىن ۇلعايتۋ مۇمكىندىگى بار)، 14 يفت-زەرتحانا جۇمىس ىستەيدى. سونداي-اق الماتىدا 28 كت-ورتالىقتان تۇراتىن جال­پى­قالالىق جەلى قۇرىلدى. سونداي-اق قارجى دارىلىك زات­تار مەن جقق رەزەرۆىن قۇرۋعا، جاپ­پاي ۆاكتسينالاۋدى ۇيىم­داس­تىرۋعا تارتىلا­تىن ما­مان­دار­دىڭ ەڭبەكا­قى­سىن تو­لەۋگە، مەديتسينا قىزمەت­كەر­لەرىنە ۇس­تە­مە­اقى تولەۋگە، انەس­تە­زيو­­لو­گيا جانە رەانيماتولو­گيا ور­تا­لىعىنىڭ جۇمىس ىستە­ۋى­نە با­عىتتالعان.

الماتىدا كۆي-ءدىڭ تاۋلىكتىك ءوسىمى 25 تامىزدان باستاپ 1،16-دان 0،2%-عا دەيىن تومەندەدى. جالپى، ىندەت جۇقتىرۋ شامامەن 74%-عا تومەندەدى. جىل باسىنان بەرى قالادا 152 مىڭنان استام ادام ىندەت جۇقتىرسا، 19 شىلدە مەن 6 قازانعا دەيىن 85 مىڭ جاع­داي تىركەلگەن.

«2020 جىلدىڭ جازىندا جانە 2021 جىلدىڭ باسىندا «ۋحان» شتامى ۋشىقتىرعان ەكى تولقىننان وتتىك. 2021 جىل­دىڭ كوكتەمىندە – «الفا» شتا­مىنان وتتىك. بيىل 19 شىل­دە­دە «دەلتا» شتامىنىڭ سال­دارىنان ىندەتتىڭ ەڭ اۋىر تولقىنى باستالدى. بۇ­گىن­دە بۇل جاعدايدان دا شىق­تىق»، دەيدى ە.باباقۇماروۆ.

ەگەر 29 شىلدە مەن 25 تامىز ارالىعىندا الماتى تاۋلىگىنە 1500-1600 ادامنىڭ ىندەتكە شالدىققانى انىقتالسا، 26 تامىزدان بەرى ەپيدەميالىق احۋالدىڭ بەتى بەرى قارادى. سا­لىس­تىرمالى تالداۋ كورسەت­كەن­دەي، ءبىرىنشى تولقىن كەزىندە ال­ماتىدا تاۋلىگىنە جۇقتىر­عان­دار سانى 250 بولسا، ەكىنشى جانە ءۇشىنشى تولقىندا شامامەن 400-700 ارالىعىندا تەربەلىپ، «دەلتا» شتامىن دا تاۋلىگىنە جۇقتىرعاندار سانى 1600، ءتىپتى ودان دا كوپ بولدى. «دەلتانىڭ» شارىقتاۋ شەگىندە جەدەل جاردەمگە جۇگىنۋ ەكى ەسەگە، ياعني 4 مىڭعا دەيىن ءوستى، ونىڭ 45%-ى كۆي جانە كوۆيدتى ەتيو­لوگيانىڭ پنەۆمونياسىمەن بايلانىستى بولدى.

پاندەميانىڭ ءتورتىنشى تول­قىنى ستاتسيونارلارعا جاتۋعا ءماجبۇر بولعان ناۋقاستار سانىن 5 ەسەگە دەيىن كوبەيتتى. ەگەر ءبىرىنشى تولقىندا اۋرۋحاناعا جاتقىزۋ تاۋلىگىنە 250 ادامعا دەيىن، ەكىنشى جانە ءۇشىنشى تولقىن كەزىندە – 400-450-گە دەيىن بولسا، ءتورتىنشى تولقىن كە­زىندە اۋرۋحاناعا جاتقىزۋ دەڭگەيى ەكى ەسە جوعارى بولدى جانە تاۋلىگىنە 800 پاتسيەنتكە جەت­تى.

«جالپى، دەنساۋلىق ساقتاۋ جۇيەسى مۇنداي سالماققا توتەپ بەردى، ءدارى-دارمەكتەر مەن جقق قورى جەتكىلىكتى قامتاماسىز ەتى­لىپ، ىركىلىستەر بولعان جوق»، دەيدى قالا اكىمىنىڭ ورىنباسارى.

الماتىدا ىندەتتىڭ ءتورتىنشى شارىقتاۋ شەگىنە جەتكەندە 10 مىڭعا جۋىق ينفەكتسيالىق توسەكتىك ورىن دايىندالسا، ونىڭ 9 مىڭعا جۋىعى تولدى، «دەلتا» تولقىنىنىڭ شارىقتاۋ شەگىندە ونىڭ جۇكتەمەسى 70%-عا دەيىن بولدى. بۇگىندە ينفەكتسيالىق ستا­تسيونارلاردا 3 179 توسەكتىك ورىن بار، ونىڭ 41% پايىزى بوس ەمەس.

«كۆي-ءدىڭ شارىقتاۋ شەگىندە رەا­نيماتسيالىق توسەكتىك ورىن­دار­دى 730-عا دەيىن ارت­تىر­دىق. وسى كەزەڭدە ونىڭ جۇكتەمەسى 70%-عا جەتتى. ينفەكتسيالىق ستاتسيونارلاردىڭ جانساقتاۋ بولىمشەلەرىنە تامىز ايىندا 2030 پاتسيەنت ءتۇستى. الماتىنىڭ رەانيماتسيالىق بولىمشەلەرىنە باسقا قالالاردان تۇسكەن پا­تسيەنت­تەر سانى 33% بولدى»، دەيدى ە.باباقۇماروۆ.

«قازىر ءبىز احۋالدىڭ تۇراق­تا­ل­عانىن كورىپ وتىرمىز. قىر­كۇيەك ايىندا رەاني­ما­تسيا­لىق ناۋقاستار اراسىنداعى ءولىم-ءجىتىم تامىزعا قاراعاندا 18%-عا تومەندەدى. بىراق اۋىر ناۋ­قاس­تار­دىڭ سانى كەمىمەي جاتىر. بۇل پاتسيەنتتەردىڭ ريتب-دە ۇزاق – 1 ايدان استام بولۋىنا بايلانىس­تى»، دەدى ە.باباقۇماروۆ.

دەرتتىڭ شارىقتاۋ شەگىندە ءۇي ستاتسيونارىندا 15 مىڭعا جۋىق ادام بولدى، بۇگىندە ولار­دىڭ سانى – 3 500.

«پاندەمياعا قاراماستان، 9 قالالىق جانە 39 جەكە ستاتسيو­نار­دى، سونداي-اق 13 رەسپۋب­لي­­كالىق ۇيىمدى پايدالانا وتى­رىپ، تۇرعىندارعا تولىق كو­­لەمدە جوسپارلى كومەك كورسە­تۋ­گە تىرىستىق. قازىر كوپسالالى كلي­نيكالار بۇرىنعى جۇمىس رەجىمىنە قايتا ورالدى»، دەيدى قالا اكىمىنىڭ ورىنباسارى.