جيىن بارىسىندا وبلىستىق تىلدەردى دامىتۋ باسقارماسىنىڭ باسشىسى گۇلجان مەڭدەكەنوۆا ۇلى اقىن اباي قۇنانباي ۇلىنىڭ, الاش كوسەمدەرى ءاليحان بوكەيحان ۇلى, احمەت بايتۇرسىن ۇلى مەن مىرجاقىپ دۋلات ۇلىنىڭ, ۇلى اعارتۋشى ىبىراي ءالتىنساريننىڭ ەسىمدەرىن مەكتەپتەرگە بەرۋ تۋرالى ۇسىنىس جاسادى.
– وسكەلەڭ ۇرپاق ۇلتىمىزدىڭ ۇلى تۇلعالارىنىڭ ەسىمدەرىن قادىرلەپ, ولاردىڭ اسىل مۇراسىن بويىنا ءسىڭىرىپ وسۋگە ءتيىس. مەكتەپ – جاستارعا ساپالى ءبىلىم بەرەتىن التىن ۇيا عانا ەمەس, سونىمەن قاتار بالانىڭ بويىندا ەلشىلدىك رۋحتى, وتانعا دەگەن سۇيىسپەنشىلىك سەزىمىن قالىپتاستىراتىن ءتالىم-تاربيەنىڭ التىن بەسىگى, – دەدى باسقارما باسشىسى.
دەپۋتاتتار بايانداماشىنىڭ ۇسىنىسىن ءبىراۋىزدان قولداپ, بەكىتتى.
سونىمەن, ءماسليحات سەسسياسىندا اباي قۇنانباي ۇلىنىڭ ەسىمىن وبلىستاعى 4 ءبىلىم ورداسىنا, اتاپ ايتقاندا قوستانايداعى №27 مەكتەپكە, جىتىقاراداعى №3 مەكتەپ-ليتسەيگە, رۋدنىيداعى №18 جانە ليساكوۆ قالاسىنداعى №3 مەكتەپكە بەرۋ تۋرالى شەشىم قابىلداندى.
الاش كوسەمى ءاليحان بوكەيحاننىڭ ەسىمىن قوستاناي قالاسىنداعى №29 مەكتەپ, ارقالىقتاعى «رودينا» ورتا مەكتەبى جانە قاشار كەنتىندەگى №2 مەكتەپ يەلەنبەك. ال رۋدنىي قالاسىنداعى №19 مەكتەپكە احمەت بايتۇرسىن ۇلىنىڭ, وسى قالاداعى №15 مەكتەپكە مىرجاقىپ دۋلات ۇلىنىڭ ەسىمى بەرىلەتىن بولادى. سونداي-اق تاياۋدا عانا قاراسۋ اۋدانىندا اشىلعان قازاق ورتا مەكتەبىنە ىبىراي ءالتىنساريننىڭ ەسىمى بەرىلمەك.
