ايماقتار • 12 قازان، 2021

سايلاۋالدى باعدارلامانىڭ ىسكە اسىرىلۋى قالاي؟

39 رەت كورسەتىلدى

Nur Otan پارتياسى توراعاسىنىڭ ءبىرىنشى ورىنباسارى باۋىرجان بايبەك ساياسي كەڭەستىڭ كەڭەيتىلگەن وتىرىسى قارساڭىندا ەلباسى، پارتيا ليدەرى نۇرسۇلتان نازارباەۆتىڭ تاپسىرماسى بويىنشا وڭىرلەرگە ساپارىن جالعاستىرۋدا.

باۋىرجان بايبەك پارتيانىڭ ساي­لاۋالدى باعدارلامالارىنىڭ تۇر­كىستان وبلىسىندا ىسكە اسىرىلۋ بارىسىمەن تانىستى.

«بىرنەشە جىل بۇرىن تۇڭعىش پرەزيدەنت – ەلباسى نۇرسۇلتان نازار­باەۆتىڭ تۇركىستاندى جاڭعىرتۋ تۋرالى قابىلداعان شەشىمى ەلىمىز ءۇشىن عانا ەمەس، بۇكىل تۇركى الەمى ءۇشىن تاريحي وقيعا بولدى. قىسقا مەرزىم ىشىندە رۋ­حانياتىمىزدىڭ دىڭگەگى بولعان كونە دە قاسيەتتى قالا قايتا تۇلەدى»، دەپ اتاپ ءوتتى باۋىرجان بايبەك.

ونىڭ ايتۋىنشا، مەملەكەت باسشىسى قاسىم-جومارت توقاەۆ جاريا ەتكەن «وزگەرىستەر جولى: ءار ازا­مات­قا لايىقتى ءومىر!» سايلاۋالدى باعدار­لا­ماسى اياسىندا 2025 جىلعا دەيىن وڭىر­دە كوپتەگەن الەۋمەتتىك جانە مادە­ني جوبانى جۇزەگە اسىرۋ جوسپار­لانۋدا.

وبلىستا 5 جىلعا جوسپارلانعان 1956 ءىس-شارانىڭ 20%-دان استامى ورىن­دالدى. 364 مىڭ شارشى مەتر تۇر­عىن ءۇي، 15 جاڭا مەكتەپ، 8 مادەني نى­سان سالىندى. جىل سوڭىنا دەيىن 717 ەلدى مەكەن ساپالى اۋىز سۋعا قول جەت­كىزەدى، سونداي-اق ءوڭىردىڭ تاعى 65 مىڭ تۇرعىنى تابيعي گازبەن قامتاماسىز ەتىلەدى.

2025 جىلعا دەيىن وبلىستا 66 دەن­ساۋلىق ساقتاۋ نىسانىنىڭ قۇرىلىسى جوسپارلانىپ وتىر. باۋىرجان بايبەك پارتيانىڭ سايلاۋالدى باعدارلاماسى اياسىندا تۇركىستاندا سالىنعان قا­لالىق ورتالىق اۋرۋحانانى ارالادى.

«مەديتسينا قىزمەتكەرلەرىمەن بىرگە دەنساۋلىق ساقتاۋ سالاسىنداعى وزەكتى ماسەلەلەر، ونىڭ ىشىندە وڭىر­لەردە بىلىكتى مامانداردىڭ جەتىس­پەۋ­شىلىگى ماسەلەسىن تالقىلادىق. بۇل ماسەلەنى شەشۋ ءۇشىن پارتيا ناقتى ماقساتتار قويادى. اتاپ ايتقاندا، بالالار دارىگەرلەرىن قوسا العاندا، ارناۋلى سالاعا ماماندانعان مەديتسينا قىزمەتكەرلەرىن دايارلاۋعا ارنالعان گرانتتار سانى ارتادى. 2023 جىلعا قاراي دارىگەرلەردىڭ جالاقىسى 2،5 ەسەگە كوبەيىپ، كەمىندە 550 مىڭ تەڭگەنى، ورتا بۋىن مەديتسينالىق قىزمەتكەرلەردىڭ جالاقىسى كەمىندە 190 مىڭ تەڭگەنى قۇرايدى. تىرەك جانە سەرىكتەس اۋىل­داردا فەلدشەرلىك-اكۋشەرلىك پۋنكت­تەر مەن دارىگەرلىك امبۋلاتوريا­لار اشىلىپ، جاڭعىرتىلادى. جالپى، بارلىق كوزدەردەن دەنساۋلىق ساقتاۋدى قارجىلاندىرۋ كولەمى ءىجو-ءنىڭ 5%-ىنا دەيىن جەتكىزىلەتىن بولادى»، دەپ جازدى ول Facebook-تەگى پاراقشاسىندا.

سول كۇنى باۋىرجان بايبەك گول­ليۆۋدتىق Disney كينوكومپا­نيا­­سىنىڭ مەملەكەتتىك تىلگە دۋبلياج­دالعان «جان» ءمۋلتفيلمىنىڭ كوپ­بالالى جانە از قامتىلعان وتباسى بالالارىنا ارنالعان قايىرىمدىلىق كورسەتىلىمىنە باردى. بۇل – «بولاشاق» باعدارلاماسى تۇلەكتەرىنىڭ جوعارى حا­لىقارالىق ستاندارتتار بويىن­شا اعىلشىن تىلى­نەن قازاق تىلىنە دۋبلياجداعان 37 شە­تەل­دىك كينوكار­تيناسىنىڭ ءبىرى.

Nur Otan پارتياسى توراعاسىنىڭ ءبىرىنشى ورىنباسارى اتاپ وتكەندەي، «باقىتتى وتباسى» جوباسى اياسىندا پارتيا دارىندى بالالاردى انىقتاۋ جانە قولداۋ جۇمىستارىن كۇشەيتەدى، سپورتتىق سەكتسيالار مەن بالالار ۇيىرمەلەرى اشىلادى. ومىرلىك قيىن جاعدايعا تاپ بولعان وتباسىلارعا كومەك كورسەتۋ ءۇشىن بۇكىل ەل بويىنشا 234 ارنايى ورتالىق اشىلادى.

تۇركىستان وبلىسىنا ساپار بارىسىندا باۋىرجان بايبەك Jastar – Otanga! حالىقارالىق جاستار فورۋمىنا قاتىسۋشىلارمەن دە كەزدەستى.

پارتيا توراعاسىنىڭ ءبىرىنشى ورىن­­باسارى Nur Otan-نىڭ ساي­لاۋال­دى باعدارلاماسىنىڭ شىم­كەنت قالا­سىندا ورىندالۋ بارىسىمەن دە تانىستى.

فيليال توراعاسى، شىمكەنتتىڭ اكىمى مۇرات ايتەنوۆتىڭ مالىمدەۋىنشە، 9 ايدا 2025 جىلعا دەيىن جوسپارلانعان 475 ينديكاتوردىڭ 23%-ى ورىندالعان. قالادا 398 مىڭ شارشى مەتر تۇرعىن ءۇي، 5 مەديتسينالىق مەكەمە مەن 115 سپورت الاڭى پايدالانۋعا بەرىلگەن. 250 مىڭ ادامدى ۇزدىكسىز ەلەكتر قۋاتىمەن قامتاماسىز ەتۋ ماقساتىندا «بوزارىق» ەلەكتر قوسالقى ستانساسى سالىنعان. گاز تاراتۋ ستانساسىنىڭ قۇرىلىسى اياقتالۋدا، ول 5 شالعاي ەلدى مەكەندى تابيعي گازبەن قامتاماسىز ەتەتىن بولادى. 14 مىڭنان استام جاڭا جۇمىس ورنى اشىلدى.

«مەملەكەت باسشىسى جاريا ەتكەن «وزگەرىستەر جولى: ءار ازاماتقا لايىقتى ءومىر!» سايلاۋالدى باعدار­لاماسى اياسىندا ءبىلىم بەرۋ سالاسىنا ەرەكشە نازار اۋدارىلادى. ەل كولە­مىندە 800 جاڭا مەكتەپ سالۋ جانە 5 مىڭ قولدانىستاعى مەكتەپتى جاڭعىرتۋ جوسپارلانعان. تىكەلەي شىمكەنتتە تاياۋداعى 5 جىلدا 66 مەكتەپ سالۋ جا­نە جوندەۋ جوسپارلانعان، بۇل رەتتە 25 وقۋ ورنى بيىل سالىندى. ساپار با­رى­سىندا №79 جاڭا مەكتەپتە پەداگوگ­تەر ۇجىمىمەن كەزدەستىم. مەملەكەت باس­شى­س­ىنىڭ تاپسىرماسىمەن بيىل مۇعا­لىمدەردىڭ جالاقىسى 25%-عا ءوستى. پار­تيانىڭ سايلاۋالدى ۋادەلەرىن ىسكە اسىرۋ اياسىندا پەداگوگتەردىڭ ەڭبەكاقىسى 2024 جىلعا قاراي 2 ەسە كوبەيىپ، ورتاشا العاندا 330 مىڭ تەڭگەدەن اسادى»، دەپ جازدى باۋىرجان بايبەك Facebook جەلىسىندەگى پاراقشاسىندا.

ونىڭ ايتۋىنشا، پارتيا جاستار مەن ايەلدەر كاسىپكەرلىگىن قولداۋعا ەرەكشە نازار اۋدارادى. سوندىقتان ول شىمكەنتتە كاسىپكەرلىكتى جاڭادان باس­تاۋشىلارعا، ەڭ الدىمەن جاستار مەن ايەلدەرگە قولداۋ كورسەتەتىن ونلاين-ورتالىق اشقان «بولاشاق» باع­دار­لاماسىنىڭ تۇلەكتەرىمەن كەزدەستى. بولاشاقتىقتار اتاپ كورسەتكەندەي، ءىت جانە اگروتەحنولوگيا، ارحيتەكتۋرا، ديزاين جانە باسقا دا سالالار بويىنشا تەگىن كەڭەس بەرىلەدى.

سول كۇنى پارتيا توراعاسىنىڭ ءبىرىن­شى ورىنباسارى شىمكەنت قالا­سىندا، سونداي-اق تۇركىستان جانە قى­زىل­وردا وبلىستارىندا سايلاۋالدى ۋادەلەردىڭ ىسكە اسىرىلۋ بارىسىن ونلاين-فورماتتا قاراستىردى. باۋىرجان بايبەك فيليالدار باسشىلىعى مەن ماسليحاتتارداعى فراكتسيالاردىڭ نازارىن جىل سوڭىنا دەيىن ورىندالماي قالۋ قاۋپى بار جەكەلەگەن تارماقتارعا جانە وسى باعىتتاعى جۇمىستاردى كۇشەيتۋ قاجەتتىگىنە اۋداردى.

«ەلباسى 2019 جىلى بالالاردىڭ ينتەرناتتاردا ءومىر ءسۇرۋ جاعدايلارىن جاقسارتۋ بويىنشا شارالار قا­بىل­داۋدى تاپسىرعان بولاتىن. مەملەكەت باسشىسى قاسىم-جومارت توقاەۆ بيىل جىل باسىندا VII شاقىرىلىمداعى پارلامەنتتىڭ ءبىرىنشى سەسسياسىنىڭ اشىلۋىندا بالالاردىڭ قۇقىعىن قورعاۋ ماسەلەسىنە ەرەكشە نازار اۋدارۋ مىندەتىن قويدى. وسى تاپسىرمالاردى ورىنداۋ ءۇشىن بالالاردىڭ ينتەرناتتاردا ءومىر ءسۇرۋ جاعدايلارىنا كەشەندى تالداۋ جۇرگىزىلدى. بالالار قۇقىعىن قورعاۋ جونىندەگى كەڭەستىڭ دەرەكتەرى بويىنشا، بارلىق ينتەرناتقا كۇردەلى جانە اعىمداعى جوندەۋ جۇرگىزىلگەن جالعىز ءوڭىر – پاۆلودار وبلىسى. سون­داي-اق قوستاناي وبلىسى دا الدىڭ­عىلاردىڭ قاتارىندا. بۇل رەتتە، قىزىلوردا، ماڭعىستاۋ، سونداي-اق الماتى جانە تۇركىستان وبلىستارىندا احۋال قاناعاتتانارلىقتاي ەمەستىگى بايقالادى. ءاربىر بالاعا تولىققاندى جاعدايدى قامتاماسىز ەتۋ – ءبىزدىڭ ساي­لاۋالدى باعدارلامامىزدىڭ باسىم­دىقتارىنىڭ ءبىرى. سوندىقتان بۇل ماسەلە كەلەسى اپتادا پارتيالىق باقى­لاۋ كوميتەتىنىڭ قاراۋىنا ۇسىنى­لىپ وتىر»، دەپ ەسكەرتتى پارتيا توراعا­سىنىڭ ءبىرىنشى ورىنباسارى.

باۋىرجان بايبەك وڭىرلىك فراكتسيا­لار جۇمىسىنا جانە بيىل پارتيا­نىڭ ساياسي كەڭەسى بيۋروسىنىڭ شەشى­مى­مەن ەنگىزىلگەن Nur Otan-نان سايلان­عان بارلىق دەڭگەيدەگى ءماسليحات دەپۋ­تاتتارىنىڭ جاريا رەيتينگىنە جەكە توقتالدى.

«بۇل رەتتە جۇيەلى تۇردە رەيتينگى تومەن دەپۋتاتتاردىڭ تيىمدىلىگى في­ليالداردىڭ ساياسي كەڭەستەرىنىڭ وتىرىستارىندا قارالىپ، ول مانداتتى كەرى قايتارىپ الۋ جانە ءتيىستى دەپۋتاتتاردى روتاتسيالاۋ ءۇشىن نەگىز بولا الادى. ءبىزدىڭ پارتيالىق كادرلىق رەزەرۆتە 3،4 مىڭنان استام دەپۋتاتتىققا لايىقتى ۇمىتكەر بار. تيىسىنشە، ءبىز كورسەتكىشتەرى تومەن دەپۋتاتتاردى ولار­مەن الماستىرۋدى ۇسىناتىن بولامىز»، دەپ اتاپ ءوتتى پارتيا تور­اعا­سىنىڭ ءبىرىنشى ورىنباسارى.

سوڭعى جاڭالىقتار

نار نارىمبەتوۆ ەدى...

قازاقستان • كەشە

«وميكرون» شتامى وقشاۋلايدى

كوروناۆيرۋس • كەشە

پورترەتتەگى پاراسات

ەلباسى • كەشە

ۇقساس جاڭالىقتار