بۇل تۋرالى جامبىل وبلىستىق پد ءباسپاسوز قىزمەتى حابارلادى.
سول ماڭداعى اۋماقتى تەكسەرۋ كەزىندە جاس جىگىتتەن سالماعى 60 كەلى 440 گر بولاتىن «كاننابيس وسىمدىگى» ەسىرتكى زاتى تابىلىپ, تاركىلەندى. سونداي-اق جەدەل-ىزدەستىرۋ ءىس-شارالارىن جۇرگىزۋ كەزىندە ەسىرتكى زاتىن ساتۋشىدان جالپى سالماعى 103 كەلى 240 گر «كەپتىرىلگەن ماريحۋانا» ەسىرتكى زاتىنىڭ 10 قابى تاركىلەندى. كۇدىكتى بۇل قاپتاردى جاز مەزگىلىندە ەلدىڭ سولتۇستىك ايماقتارىنا جەتكىزۋ ءۇشىن دايىنداعان جانە جاسىرعان.
«ۇستالعان ازامات كىناسىن مويىندادى. شۋ قالاسىنىڭ ۋاقىتشا ۇستاۋ يزولياتورىنا قاماققا الىندى. قر قىلمىستىق كودەكسىنىڭ 296-بابى 4-بولىگى («ەسىرتكى, پسيحوتروپتىق زاتتاردى, سول تەكتەستەردى وتكىزۋ ماقساتىنسىز اسا ءىرى مولشەردە زاڭسىز دايىنداۋ, قايتا وڭدەۋ, ساتىپ الۋ, ساقتاۋ, تاسىمالداۋ») بويىنشا سوتقا دەيىنگى تەرگەۋ امالدارى باستالدى, قىلمىستىڭ بۇل تۇرىمەن ءۇش جىلدان جەتى جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازا قولدانىلادى», دەلىنگەن حابارلامادا.
قازىرگى ۋاقىتتا قىلمىستىق ارەكەتتى قر قك-ءنىڭ 297-بابى 3-بولىگىمەن قايتا سارالاۋ قاراستىرىلۋدا. بۇل قىلمىستى جاساعانى ءۇشىن مۇلكى تاركىلەنىپ, ون جىلدان ون بەس جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازا قاراستىرىلعان.
سونداي-اق بيىل جىل باسىنان بەرى جامبىل وبلىستىق پد ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى زاڭسىز اينالىمنان 3 توننا 293 كەلىدەن استام, ونىڭ ىشىندە 800 گر گەروين, 103 كەلى گاشيش, 3 توننادان استام ماريحۋانا سەكىلدى ءتۇرلى ەسىرتكى زاتتارى تاركىلەندى.
سونىمەن قاتار جامبىل وبلىسىندا شامامەن 550 گا اۋماقتا جەر جىرتۋ, شابۋ جانە ورتەۋ جولدارىمەن 40 توننادان استام جابايى قاراسورا جويىلدى.
