ىشكى ىستەر مينيسترلىگىنىڭ اقپارات الاڭىندا وتكەن بريفينگىدە ەسىرتكى قىلمىسىنا قارسى ءىس-قيمىل دەپارتامەنتىنىڭ باسقارما باستىعى بەرىكحان نۇرعاليەۆ وسىنداي مالىمەت بەردى.
«ەسىرتكىنى جارنامالاپ, ناسيحاتتايتىن سايتتاردى بۇعاتتاۋ ماسەلەسىنە كەلسەك, ەسىرتكى قىلمىسىنا قارسى ءىس-قيمىل دەپارتامەنتى ينتەرنەت كەڭىستىككە تۇراقتى مونتورينگ جۇرگىزىپ وتىر. سول ارقىلى ەسىرتكىنى, پسيحوتروپتىق زاتتار مەن پرەكۋسورلاردى تاراتۋعا باعىتتالعان مالىمەتى بار سايتتاردى, الەۋمەتتىك جەلىدەگى جازبالاردى, جارنامالاردى انىقتايدى. اپتانىڭ جەتى كۇنىندە 24 ساعات بويى مونيتورينگ جاساۋ ارقىلى بەلگىلى بولعان سايتتار قر اقپارات جانە قوعامدىق دامۋ مينيسترلىگىنە بۇعاتتاۋ ءۇشىن جولدانادى. ولار ءبىز بەرگەن مالىمەتتەر بويىنشا جەدەل شەشىم قابىلدايدى. جىل باسىنان بەرى 965 سايت انىقتالىپ, 555-ءى بۇعاتتالدى. بۇل باعىتتاعى جۇمىس تۇراقتى رەجيمدە جالعاسىپ كەلەدى», دەدى بەرىكحان نۇرعاليەۆ.
