«Pfizer ۆاكتسيناسىنا توقتالساق, باستاپقى كەزەڭدە بۇل ەكپەلەر 12 جاستان باستاپ بالالارعا جانە جۇكتى ايەلدەرگە ارنالادى. كەيىن وسى ۆاكتسينامەن قامتىلاتىندار ءتىزىمىن كەڭەيتۋىمىز مۇمكىن», دەدى ا.تسوي ماجىلىستەگى ۇكىمەت ساعاتىندا دەپۋتاتتار ساۋالىنا جاۋاپ بەرە وتىرىپ.
ونىڭ ايتۋىنشا, Pfizer كومپانياسىنىڭ ۆاكتسيناسى 12-17 جاس ارالىعىنداعى بالالار مەن جۇكتى ايەلدەرگە رۇقسات ەتىلگەن جالعىز ەكپە بولىپ تۇر.
«وسىعان بايلانىستى مينيسترلىك Pfizer كومپانياسىمەن 2021 جىلدىڭ سوڭىنا دەيىن 4 ملن دوزا ۆاكتسينانى جەتكىزۋ بويىنشا شارتقا قول قويدى», دەدى مينيستر.
