نۇر-سۇلتان قالاسىنىڭ قوعامدىق كەڭەسىنىڭ مۇشەلەرىمەن كەزدەسۋدە ا.بالاەۆا مينيسترلىكتىڭ قوعامدىق كەڭەستەردىڭ قىزمەتىن جەتىلدىرۋ جانە ۇيلەستىرۋ, ونىڭ ىشىندە وسى جىلى قابىلدانعان زاڭنامالىق تۇزەتۋلەردى ەسكەرە وتىرىپ, جۇرگىزىپ جاتقان جۇمىسى تۋرالى حاباردار ەتتى. مينيستر قوعامدىق كەڭەس ازاماتتىق قوعامنىڭ پىكىرىن بىلدىرۋدەگى بىرەگەي ازاماتتىق ينستيتۋتقا اينالعانىن, ال 2021 جىلى قابىلدانعان زاڭنامالىق وزگەرىستەر ولاردىڭ قىزمەتىن جەتىلدىرۋ ىسىنە سەرپىن بەرگەنىن اتاپ ءوتتى. قازىرگى ۋاقىتتا 249 قوعامدىق كەڭەس قوعامدىق باقىلاۋدى جۇزەگە اسىرۋعا تىكەلەي ءتورت نىساندا تارتىلعان: قوعامدىق مونيتورينگ, قوعامدىق ساراپتاما, قوعامدىق تىڭداۋلار جانە مەملەكەتتىك ورگاندار باسشىلارىنىڭ ەسەپتەرىن تىڭداۋ. مينيستر قوعامدىق كەڭەس مۇشەلەرىن زاڭنامامەن بەرىلگەن ءوز وكىلەتتىكتەرىن بەلسەندى پايدالانۋعا شاقىردى.
كەزدەسۋگە قاتىسۋشىلار ءوز تاراپىنان قوعامدىق كەڭەستەردىڭ وكىلەتتىكتەرىن كەڭەيتۋ بويىنشا زاڭنامالىق تۇزەتۋلەردى جۇزەگە اسىرۋداعى ءوز تاجىريبەسى مەن پروبلەمالىق ماسەلەلەرى تۋرالى ايتىپ بەردى. ا.بالاەۆا 2021 جىلدىڭ قاراشا ايىنىڭ سوڭىندا الماتىدا قازاقستان تاۋەلسىزدىگىنىڭ 30 جىلدىعىنا وراي وتەتىن X ازاماتتىق فورۋمنىڭ جەكە ءبىر الاڭى قوعامدىق كەڭەستەر جۇمىسىنا ارنالاتىنىن حابارلادى.
ەلوردانىڭ عىلىمي-شىعارماشىلىق زيالى قاۋىم وكىلدەرىمەن كەزدەسۋىنىڭ بارىسىندا مينيستر قاتىسۋشىلاردىڭ نازارىن مەملەكەت باسشىسىنىڭ جولداۋىن ىسكە اسىرۋداعى بىرلەسكەن كۇش-جىگەردىڭ ماڭىزدىلىعىنا ەرەكشە زەيىن اۋداردى. سونىمەن بىرگە, پرەزيدەنت ەلدىڭ دامۋىندا ۇلتتىق ينتەلليگەنتسياعا ەرەكشە ءرول بەرەتىندىگىن اتاپ ءوتتى. ا.بالاەۆا: «جالپى پرەزيدەنتىمىزدىڭ زيالى قاۋىمعا دەگەن كوڭىلى قاشاندا ەرەكشە. بيىلعى جولداۋىندا زيالى قاۋىم وكىلدەرىن ارنايى اتاپ ءوتتى. ۇلت زيالىلارىنىڭ وي-پىكىرى قوعام دامۋى ءۇشىن اسا قاجەت ەكەنىن ايتتتى. ەل بولاشاعىنا قاتىستى, اسىرەسە ۇرپاق تاربيەسىندە وزدەرىڭىزدى شەت قالماۋعا شاقىردى. بۇل تۇسىنىستىك ەل تاۋەلسىزدىگىنىڭ 30 جىلدىعىندا ەرەكشە ماڭىزدى», دەدى مينيستر.
ايدا بالاەۆا ەلباسى نۇرسۇلتان نازارباەۆتىڭ «رۋحاني جاڭعىرۋ» باستاماسىن ىسكە اسىرۋ بارىسى تۋرالى ەگجەي-تەگجەيلى ايتىپ, 2021 جىلدان باستاپ باعدارلاما قوعامدىق سانانى ۇلتتىق جاڭعىرتۋ كەزەڭىنە ءوتۋ بويىنشا جول كارتاسى فورماتىنا وتكەنىن اتاپ ءوتتى.
«رۋحاني جاڭعىرۋ» باعدارلاماسىن جۇزەگە اسىرۋداعى زيالى قاۋىمنىڭ ەرەكشە ءرولى تۋرالى ايتا كەلە, مينيستر «100 كىتاپ» جوباسى جاقسى ناتيجە بەرگەنىن ايتتى. اتاپ ايتقاندا, جوبانىڭ ارقاسىندا 60 اقىن, جازۋشىلاردىڭ شىعارمالارى الەمدىك 6 تىلگە اۋدارىلىپ, الەمنىڭ 90 ەلىنە تاراتىلدى.
ەلوردا اكىمدىگىنىڭ اكتيۆىمەن كەزدەسۋدە مينيستر ەل پرەزيدەنتى مەن ۇكىمەتىنىڭ باستامالارى تۋرالى حالىقتى اقپاراتتاندىرۋ جونىندەگى جۇمىستى ارتتىرۋ قاجەتتىگىنە نازار اۋداردى. ا.بالاەۆا قوعامدىق دامۋ كوبىنەسە ورتالىق جانە جەرگىلىكتى مەملەكەتتىك اتقارۋشى ورگانداردىڭ ازاماتتىق قوعاممەن, عىلىمي جانە شىعارماشىلىق ينتەلليگەنتسيامەن, جاستارمەن ءتيىمدى ءوزارا ءىس-قيمىلىنا بايلانىستى ەكەنىن ايتتى.
مينيسترمەن كەزدەسۋلەرگە قاتىسۋشىلار قازاقستان تاۋەلسىزدىگىنىڭ 30 جىلدىعىن مەرەكەلەۋ جىلىندا قوعامدىق دامۋ ىسىندە پىكىر الماسۋ جانە ۇسىنىمدار فورماتىندا وسىنداي ءىس-شارالاردىڭ ەرەكشە ماڭىزدىلىعىن اتاپ ءوتتى.
