اتالعان ءىس-شارا قاسىم ەسكەرتكىشىنە گۇل شوقتارىن قويۋمەن باستالعانىن ايتا كەتكەن ءجون. بۇل جەردە جاس اقىندار ولەڭ وقىپ, اقىن رۋحىنا جىرمەن تاعزىم ەتتى. ودان كەيىن كۇيشى قايرات ايتباەۆتىڭ قۇراستىرۋىمەن جارىققا شىققان, ىشىنە قاسىمنىڭ ءوز اندەرى جانە ونىڭ ولەڭدەرىنە جازىلعان اۋەندەردىڭ ءماتىنى مەن نوتاسى ەنگەن ء«بىر نازىك ساۋلە» توپتاما كىتابىنىڭ تۇساۋى كەسىلدى.
جالپى, وبلىستىق مادەنيەت, ارحيۆتەر جانە قۇجاتتاما باسقارماسىنىڭ قولداۋىمەن «رۋحاني جاڭعىرۋ» باعدارلاماسى اياسىندا وتكەن بۇل كونكۋرستا ەلىمىزدىڭ تۇپكىر-تۇپكىرىنەن, سونداي-اق, پولشا ەلىنەن 118 ۇمىتكەر شىعارماشىلىق شاما-شارقىن بايقاپ كورگەن بولاتىن.
«دۇنيەگە كەلەر ءالى تالاي قاسىم...» اتالىمى بويىنشا اقىندار اراسىنداعى بايقاۋدىڭ باس جۇلدەسى قىزىلوردالىق اقجول دوشانوۆقا بۇيىردى. قازىلار القاسى ءبىرىنشى ورىنعا قاراعاندىلىق جاس اقىن جالەل شالقار لايىقتى دەپ تانىسا, ەكىنشى جۇلدەنىڭ يەگەرى بولىپ بالقاش قالاسىنىڭ اقىنى ماقسات كۇزەمحانوۆ اتاندى. ال ءۇشىنشى ورىندى نۇر-سۇلتان قالاسى اتىنان قاتىسقان ايزادا راحىمجانوۆا, الماتى وبلىسىنىڭ اقىنى ارشىن نۇرباقىت جانە شىمكەنتتەن كەلگەن ارايلىم مۇراتاليەۆا ءوزارا ءبولىستى.
«جاس داۋرەن» اتالىمى بويىنشا وتكەن ونەر سايىسىندا قاراعاندىلىق ايبەك رىمعالي باس جۇلدەنى جەڭىپ الدى. ءبىرىنشى ورىنعا ەلوردالىق سىرىم مۇحامەتجانوۆ يەلىك ەتسە, ەكىنشى جۇلدە دە باس قالا اتىنان باق سىناعان كامشات تۇراربەكوۆانىڭ ەنشىسىنە ءتيدى. پاۆلودارلىق جانبولات بايسولتان, قاراعاندى قالاسىنىڭ وكىلى قۋاندىق توكەنوۆ جانە سولتۇستىكقازاقستاندىق ونەرپاز ەراسىل الپىسبايعا جۇلدەلى ءۇشىنشى ورىن قىلداي ءبولىنىپ بەرىلدى.
ەسكە سالار بولساق, قاسىم امانجولوۆ وقۋلارى العاش رەت قاراعاندىدا 2011 جىلدىڭ 11 قازانىندا اقىننىڭ 100 جىلدىق مەرەيتويىن اتاپ ءوتۋ اياسىندا ۇيىمداستىرىلعان بولاتىن.
بۇدان كەيىن كەزەك قاسىم امانجولوۆ اتىنداعى «دۇنيەگە كەلەر ءالى تالاي قاسىم…» رەسپۋبليكالىق ءمۇشايراسىنا كەلدى. قاراعاندى وبلىستىق اكىمدىگىنىڭ, وبلىستىق تىلدەردى دامىتۋ جونىندەگى باسقارمانىڭ ۇيىمداستىرۋىمەن وتكەن بۇل ادەبي بايقاۋدا 18-45 جاس ارالىعىنداعى 100-گە جۋىق ۇمىتكەر باق سىنادى.
اقىندار جىر سايىسىنا قاسىمنىڭ ءومىرى مەن شىعارماشىلىعىن, ەل تاۋەلسىزدىگىن جانە ەركىن تاقىرىپتى وزەك ەتكەن ولەڭدەرىن ۇسىندى. قۇرامىنا اباي اتىنداعى مەملەكەتتىك سىيلىقتىڭ يەگەرى سەرىك اقسۇڭقار ۇلى, بەلگىلى اقىندار عالىم جايلىباي, سۆەتقالي نۇرجان, «قاسىم» رەسپۋبليكالىق قوعامدىق-ادەبي جۋرنالىنىڭ باس رەداكتورى سەرىك ساعىنتاي, قازاقستان جازۋشىلار وداعى قاراعاندى وبلىستىق فيليالىنىڭ ديرەكتورى جانات جاڭقاش ۇلى ەنگەن قازىلار القاسى جۇزدەن جۇيرەك شىققان 12 اقىندى ىرىكتەپ الدى.
سونىمەن, قازىلاردىڭ شەشىمىمەن «دۇنيەگە كەلەر ءالى تالاي قاسىم…» رەسپۋبليكالىق ءمۇشايراسىنىڭ جەڭىمپازى بولىپ عىلىمنۇر كادىرباي اتاندى. ءبىرىنشى بايگە اسەل وسپانعا بۇيىرسا, ەكىنشى جۇلدە Egemen Qazaqstan گازەتىنىڭ مادەنيەت جانە رۋحانيات ءبولىمىنىڭ مەڭگەرۋشىسى ميراس اسانعا بەرىلدى. ال ءۇشىنشى جۇلدەلى ورىن ءۇش اقىنعا – ەسەي جەڭىس ۇلى, ايزادا راقىمجانقىزى جانە اسىل سۇلتانعازى بەرىلدى.
سونىمەن قاتار, ءداۋىتالى ستامبەكوۆ, كارىم ساۋعاباي, بۇركىت ىسقاق ۇلى, سايلاۋحان ناكەنوۆ جانە جەڭىس قاشقىنوۆ اتىنداعى ارنايى جۇلدەلەرگە بىرقاتار اقىن يە بولدى.
ايتا كەتۋ كەرەك, بيىل بايقاۋدىڭ جۇلدە قورى جىلداعىدان ەكى ەسەگە كوبەيگەن. مىسالى, وسى جولى باس بايگەنى جەڭىپ العان اقىنعا تىگىلگەن جۇلدە 1 ملن تەڭگەنى قۇرادى.
جەڭىمپازدار مەن جۇلدەگەرلەرگە اقشالاي سىيلىقتار مەن قاسىم امانجولوۆتىڭ سوزىنە جازىلعان اندەردىڭ باسىن قۇراعان «قاسىمنىڭ اندەرى-اي» كۇيتاباعى جانە اقىننىڭ سوزىنە جازىلعان اندەردەن تۇراتىن ء«بىر نازىك ساۋلە» كىتابى تارتۋ ەتىلدى.
مۇنان سوڭ, داۋىلپاز اقىننىڭ ەسكەرتكىشى ورىن تەپكەن قاسىم امانجولوۆ اتىنداعى كوشەگە 110 قايىڭ شىبىعى ەگىلدى.
بۇل – الاشتىڭ اياۋلى ۇلى, ارداقتى اقىنىنىڭ 110 جىلدىق تويىنىڭ قۇرمەتىنە ورايلاستىرىلىپ ىستەلىنگەن ىزگى شارۋانىڭ ءبىرى بولدى.
