«رەسەيدىڭ ەۋروپالىق بولىگىن قۇشاعىنا العان قاتتى انتيتسيكلون جاۋىن-شاشىنسىز اۋا رايىن قالىپتاستىرىپ, ەلىمىزدىڭ باتىسى مەن سولتۇستىك-باتىسىنا جىلى اۋانىڭ ىعىسىپ كەلۋىنە سەبەپ بولدى. بۇل ايماقتاردا سىناپ باعانى كۇندىز +15 +20 گرادۋسقا دەيىن كوتەرىلەدى.
قازاقستاننىڭ قالعان اۋماعى تومەن قىسىمدى ءورىستىڭ جانە ونىمەن بايلانىستى اتموسفەرالىق فرونتتاردىڭ اسەرىندە بولادى, قار ارالاس جاڭبىر جاۋادى, وڭتۇستىك وبلىستاردا بۇرشاق ءتۇسىپ, جەل ەكپىنى كۇشەيەدى. رەسپۋبليكامىزدىڭ سولتۇستىگىندە, شىعىسىندا, ورتالىعىندا جانە وڭتۇستىگىندە تۇندە جانە تاڭەرتەڭ تۇمان تۇسەدى دەپ كۇتىلەدى», دەپ حابارلايدى «قازگيدرومەت» رمك.
بولجام بويىنشا رەسپۋبليكامىزدىڭ سولتۇستىگىندە, ورتالىعىندا جانە شىعىسىندا سىناپ باعانى كۇندىز +7+15 گرادۋستان 0+7 گرادۋسقا دەيىن, وڭتۇستىك وبلىستاردا +3+8 گرادۋسقا دەيىن تومەندەيدى دەپ كۇتىلەدى. تاۋلى ايماقتاردا -3 گرادۋس ۇسىك جۇرەدى, كۇندىز +10+15 گرادۋس جىلى بولادى.
