مۇگەدەكتەردىڭ جۇمىسقا ورنالاسۋىنا مۇمكىندىك جاسالادى

بىلتىر «جۇمىسپەن قامتۋ-2020» باعدارلاماسىمەن 250 مىڭ ادام جۇمىسقا ورنالاستى. بۇل تۋرالى Egemen.kz ءتىلشىسى حابارلادى. «وتكەن جىلى الەۋمەتتىك دامىتۋدىڭ كوپتەگەن بازالىق كورسەتكىشتەرى بويىنشا وڭ ناتيجەلەرگە قول جەتكىزىلىپ, حالىقتى جۇمىسپەن قامتۋ دەڭگەيى ارتتىرىلدى. بۇگىنگى تاڭدا 95 پايىز ەڭبەك ەتۋگە قابىلەتتى قازاقستاندىق ازاماتتىڭ جۇمىسى بار, «جۇمىسپەن قامتۋ-2020 جول كارتاسى» باعدارلاماسىن ىسكە اسىرۋ جالعاستىرىلۋدا. وسىنىڭ اياسىندا 250 مىڭنان استام ادام جۇمىسقا ورنالاستى. جالاقى, الەۋمەتتىك تولەمدەر مەن جاردەماقىلاردى ارتتىرۋ بويىنشا دا جوسپارلى جۇمىس جۇرگىزىلۋدە. ەكونوميكالىق قىزمەتتىڭ تۇرلەرى بويىنشا ورتاشا ايلىق جالاقى 108 640 تەڭگەنى قۇراپ, 2012 جىلعى دەڭگەيدەن 7,5 پايىزعا ارتتى»,- دەدى ەڭبەك جانە حالىقتى الەۋمەتتىك قورعاۋ ءمينيسترى ت.دۇيسەنوۆا. رەسمي دەرەككە جۇگىنسەك,   4 ملن.-عا جۋىق ادام الەۋمەتتىك تولەم تۇرلەرىن العان. ال سوڭعى ون جىل ىشىندە بالا تۋ سانى ءبىر جارىم ەسەگە وسكەن ەكەن. ەكى ءجۇز مىڭداي وتباسى 4 جانە ودان دا كوپ بالا تاربيەلەپ وتىر. باستىسى,مۇمكىندىگى شەكتەۋلى جانداردىڭ تىنىس-تىرشىلىگى ءۇشىن لايىقتى ورتا قۇرۋ شارالارى قابىلدانۋدا. ءابدىراحمان قىدىربەك. دەرەككوز: Egemen.kz. فوتو: Yurist-online.net.