مازمۇندى ءىس-شارانىڭ ماقساتى − بالالار مەن جاسوسپىرىمدەرگە ارناپ جازاتىن تالانتتى قالامگەرلەردى انىقتاۋ جانە بالالار ادەبيەتىن قولداۋ مەن دامىتۋ. بيىلعى بايقاۋ 2 تامىز بەن 2 قازان ارالىعىندا ءوتىپ, وعان 90 اۆتوردىڭ شىعارماسى تۇسكەن. ولاردى بەلگىلى اقىن-جازۋشىلار ساراپقا سالدى.
ماراپاتتاۋ ءراسىمى سالتاناتتى جاعدايدا ءوتىپ, وعان قوعام قايراتكەرلەرى مەن قالامگەرلەر قاتىسىپ, جەڭىمپازدارعا جىلى لەبىزىن ءبىلدىردى.
− بالامىز اتقا شاپسا, قۋانا جار سالاتىن حالىقپىز. بولاشاعىمىزدى جالعاستىرۋشى بالالارىمىز ەكەنىن دە ۇنەمى ايتىپ جۇرەمىز. ودان بولەك, قازاقتا ەجەلدەن كەلە جاتقان جاقسى ءسوز بار. «شابىلماعان جۇيرىكتى, شاعىلماعان بالا شاپسىن» دەگەن. سول ايتقانداي, بۇگىنگى «ەر توستىك» ادەبي بايقاۋىندا ءىزى بىتپەيتىن, تۇياعى كەتپەيتىن تۇلپاردى يەلەنگەن جۇيرىكتەرىمىز ءاردايىم شابا بەرسىن. بارلىق جەڭىمپازدى قۇتتىقتايمىن! − دەدى, اقىن, مەملەكەتتىك سىيلىقتىڭ لاۋرەاتى, قازاقستان جازۋشىلار وداعىنىڭ توراعاسى ۇلىقبەك ەسداۋلەت.
سونىمەن ونەر بايگەسىنىڭ «پروزا» اتالىمىندا ءبىرىنشى ورىندى نۇربەك نۇرجان جەڭىپ السا, «ەرتەگى» اتالىمىندا بالنۇر قىزىربەكقىزىنىڭ باعى جاندى. ال «بالالارعا ارنالعان ولەڭدەر» اتالىمىندا بەلگىلى اقىن ءشامشيا جۇباتوۆا جەڭىمپاز اتانىپ, «ۇزدىك يلليۋستراتسيا» اتالىمىندا ءبىرىنشى ورىندى تالانتتى سۋرەتشى جەڭىس كاكەن يەلەندى.
