Python باعدارلامالاۋ تىلىندەگى قوسىمشا سۋرەتتەگى\فوتوداعى جازۋدى جانە داۋىستى ماتىنگە اينالدىرادى. وقۋشىنىڭ ايتۋىنشا, ۆيرتۋالدى اسسيستەنت جانە ءماتىندى تانۋعا ارنالعان سكانەر قۇلاعى كەمىس ادامداردىڭ ءومىرىن جەڭىلدەتىپ قانا قويماي, سمارتفون قولدانۋشىلارىنىڭ كۇندەلىكتى ومىرىندە دە سەپتىگىن تيگىزەدى.
«مەنىڭ ويىمشا, ۇسىنىلعان جوبا قوعام ءۇشىن پايدالى بولماق: مۇمكىندىگى شەكتەۋلى ادامدار ءۇشىن دە, قاراپايىم پايدالانۋشىلارعا دا. ولار ءماتىندى قولمەن تەرىپ وتىرماي, ونى جاي عانا دىبىستاسا بولعانى. سونداي-اق ءموبيلدى قوسىمشادا ءماتىندى سول ۋاقىتتا اۋدارۋ فۋنكتسياسى قاراستىرىلعان. ۆيرتۋالدى اسسيستەنت بارلىعى 20 شاقتى فۋنكتسيانى ورىندايدى», دەيدى جوبا اۆتورى.
وقۋشىنىڭ جۇمىسى قازاقستان تاۋەلسىزدىگىنىڭ 30 جىلدىعىنا ارنالعان NIS وقۋشىلار اراسىنداعى «تۋعان ەلگە تاعزىم» جەلىلىك بايقاۋىندا جوعارى باعالانعانىن ايتا كەتۋ قاجەت. ول 21 مەكتەپتەن كەلگەن 46 ۇزدىك جۇمىستىڭ ىشىندە توپ جاردى.
«بايقاۋ تەك جاقسى اسەر قالدىردى: ءوزىمنىڭ جەكە جوبامدى تانىستىرىپ قانا قويماي, ونىڭ ارتىقشىلىقتارى مەن كەمشىلىكتەرىن كورۋگە مۇمكىندىك الدىم», دەپ بولىسەدى جەڭىمپاز.
جاس نوۆاتوردىڭ ايتۋىنشا, بولاشاقتا ول قوسىمشانى Play Market جانە App Store پلاتفورمالارىندا ىسكە قوسۋدى جانە زاعيپ ادامدارعا ارنالعان فۋنكتسيالاردى قوسۋدى جوسپارلاپ وتىر.
دۇنيەجۇزىلىك دەنساۋلىق ساقتاۋ ۇيىمىنىڭ مالىمەتىنشە, الەمدە ادامداردىڭ 5%-نان استامى ەستۋ قابىلەتىنەن زارداپ شەگەدى. ال, ەلىمىزدە ولاردىڭ سانى 150 مىڭعا جۋىق.
