رەسپۋبليكالىق كاسىپورنى تاراتقان مالىمەتتەرگە قاراعاندا, قازاقستاننىڭ باسىم بولىگىندە 8 قازاندا سولتۇستىك-باتىس انتيتسيكلونىنىڭ اسەرىنەن, كۇن نەگىزىنەن جاۋىن-شاشىنسىز بولادى. تەك ەلىمىزدىڭ شىعىسىندا, وڭتۇستىك جانە وڭتۇستىك-شىعىسىنىڭ تاۋلى اۋداندارىندا عانا قار جانە قار ارالاس جاڭبىر جاۋادى.
رەسپۋبليكامىزدىڭ وڭتۇستىك جانە وڭتۇستىك-شىعىسىندا جەل كۇشەيەدى, وڭتۇستىكتە - شاڭدى داۋىل تۇرىپ, تۇندە جانە تاڭەرتەڭ وڭتۇستىك جانە وڭتۇستىك-شىعىستا, سولتۇستىك-باتىس جانە ورتالىقتا تۇمان تۇسەدى.
تۇندە جامبىل وبلىسىنىڭ تاۋلى اۋداندارىندا, كۇندىز وبلىستىڭ باتىسىندا تۇمان, وڭتۇستىك-باتىستا, سولتۇستىك-شىعىس جانە تاۋلى اۋدانداردا جەلدىڭ جىلدامدىعى سەكۋندىنا 15-20 متەرگە جەتىپ, ەكپىنى 23-28 م/س بولادى.
تۇندە جانە تاڭەرتەڭ الماتى وبلىسىنىڭ تاۋلى جانە تاۋ بوكتەرلى اۋداندارىندا تۇمان تۇسەدى, كۇندىز الاكول كولدەرى اۋماعىندا - جەلدىڭ كۇشى 15-20 م/س-قا جەتەدى. تۇركىستان وبلىسىنىڭ سولتۇستىگىندە, باتىس جانە تاۋلى اۋداندارىندا جەلدىڭ جىلدامدىعى سەكۋندىنا 15-20 مەتر بولادى, ەكپىنى 25 م/س-كە جەتەدى.
قىزىلوردا وبلىسىنىڭ ورتالىعىندا جانە وڭتۇستىگىندە جەلدىڭ جىلدامدىعى سەكۋندىنا 15-20 متەرگە جەتەدى, ەكپىنى 23 م/س بولۋى ىقتيمال, وبلىستىڭ ورتالىعىندا شاڭدى داۋىل تۇرادى. قوستاناي, قاراعاندى وبلىستارىنىڭ سولتۇستىگىندە, تۇندە جانە تاڭەرتەڭ اقتوبە وبلىسىنىڭ سولتۇستىگىندە جانە سولتۇستىك-شىعىسىندا, سولتۇستىك قازاقستان وبلىسىنىڭ وڭتۇستىك-باتىسىندا تۇمان كۇتىلەدى.
