ىشكى ىستەر ءمينيسترى پاترۋلدىك پوليتسيا پولكى ۆزۆودىنىڭ كومانديرى الماز قۇلتانوۆقا, پولك قىزمەتىنىڭ ينسپەكتورلارى اسىلحان نۇرمۇحامبەتوۆ پەن نۇرسۇلتان ساريەۆكە جەدەل ءارى ۇيلەسىمدى ءىس-ارەكەتتەرى ءۇشىن جەكە العىسىن ءبىلدىرىپ, پوليتسەيلەردى ءىىم-ءنىڭ «قۇقىق ءتارتىبىن قامتاماسىز ەتۋگە قوسقان ۇلەسى ۇشىن»مەدالىمەن ماراپاتتادى.
«كۇن سايىن بۇكىل ەل بويىنشا مىڭداعان پوليتسيا قىزمەتكەرلەرى ازاماتتاردىڭ قاۋىپسىزدىگى مەن تىنىشتىعى ءۇشىن قىزمەت اتقارادى. ولاردى قىلمىستىق قول سۇعۋشىلىقتان قورعايدى جانە قيىن ومىرلىك جاعدايعا تاپ بولعان ادامدارعا كومەكتەسەدى. ءبىزدىڭ قاتارىمىزعا كىرگەن ءاربىر ادام پوليتسيا قىزمەتى جانقيارلىقتى, باتىلدىقتى جانە ادامدار ءۇشىن ءومىر مەن دەنساۋلىعىن قاتەرگە تىگۋگە دايىن بولۋدى تالاپ ەتەتىنىن تۇسىنەدى», دەدى ماراپاتتاۋ ءراسىمى كەزىندە ءىىم باسشىسى.
ول ءوز سوزىندە وسىنداي سىني جاعدايلاردا پوليتسيا قىزمەتكەرلەرى بىرنەشە سەكۋند ىشىندە جاۋاپتى شەشىمدەر قابىلداۋعا ءماجبۇر ەكەنىن, كەيدە مۇنداي شەشىمدەر ادامنىڭ تاعدىرىن شەشىپ جاتاتىنىن اتاپ ءوتتى.
«تەك كاسىبيلىكپەن جانە ءوز مىندەتتەرىنە جاۋاپكەرشىلىكپەن قاراۋ, ءار ادامنىڭ پروبلەمالارىنا نازار اۋدارۋ ارقىلى عانا سەنىمگە قول جەتكىزۋگە بولادى. ءسىز جانە ءسىزدىڭ ارىپتەستەرىڭىز الداعى ۋاقىتتا دا ءوز قىزمەتتىك بورىشىن ۇلگىلى جانە جانقيارلىقپەن اتقاراتىنىنا سەنىمدىمىن», دەدى ەرلان تۇرعىمباەۆ ماراپاتتالعاندارعا.
ەسكە سالا كەتەيىك, 3 قازان كۇنى ەلوردالىق پوليتسەي الماز قۇلتانوۆ قابانباي باتىر داڭعىلىنداعى كوپىردەن سەكىرگەن قىزدى جاعاعا الىپ شىقتى. كەيىن نۇر-سۇلتان قالاسىنىڭ دەنساۋلىق ساقتاۋ باسقارماسى ەلوردادا كوپىردەن سەكىرىپ كەتكەن جۇكتى ايەلدىڭ جاعدايى تۋرالى مالىمەت بەردى.
