تولەم كارتوچكالارى ارقىلى جاسالعان 10 وپەراتسيانىڭ 9-ى قولما-قول اقشاسىز ورىندالدى. 2021 جىلدىڭ قاڭتار-تامىز ارالىعىندا قازاقستاندىق ەميتەنتتەردىڭ تولەم كارتوچكالارى ارقىلى 43,2 ترلن تەڭگەگە 3,8 ملرد قولما-قول اقشاسىز وپەراتسيا جۇرگىزىلدى, بۇل 2020 جىلدىڭ وسى كەزەڭىندەگى كورسەتكىشتەردەن تيىسىنشە 2,4, جانە 2,3 ەسە اسادى.
قولما-قول اقشاسىز وپەراتسيالار كولەمىنىڭ جالپى قۇرىلىمىندا ونلاين-وپەراتسيالاردىڭ ۇلەسى وسكەنى بايقالادى. وسى جىلدىڭ قاڭتار-تامىز ارالىعىندا قولما-قول اقشاسىز وپەراتسيالاردىڭ 67%-ى ينتەرنەت ارقىلى نەمەسە ءموبيلدى قوسىمشالار ارقىلى جۇرگىزىلدى (2,5 ملرد وپەراتسيا). حالىقتىڭ قولما-قول اقشاسىز وپەراتسيالارى كولەمىندە ونلاين-وپەراتسيالار ۇلەسى 83%-عا دەيىن ءوسىپ, 35,9 ترلن تەڭگە بولدى.
