كۋرتس 2016-2018-جىلدارى سايلاۋ كەزىندە ساۋالنامانى ءوز پارتياسىنا جاعىمدى سارىندا جۇرگىزۋى ءۇشىن جەرگىلىكتى ءبىر باسىلىمنىڭ جارناماسىن ساتىپ العان.
ال قارجىنى مەملەكەت قاراجاتىنان تولەگەن. ىسكە قاتىستى دەگەن كۋرتسپەن بىرگە تاعى 9 ادامعا ايىپ تاعىلىپ, «اۆستريا حالىقتىق پارتياسى» مەن قارجى مينيسترىلىگىنە ءتىنتۋ جۇرگىزىلدى.
الايدا كۋرتس وزىنە تاعىلعان ايىپتى جوققا شىعارىپ وتىر. اۆستريانىڭ ۇكىمەت باسشىسى بۇعان دەيىن دە بىرنەشە رەت ءىستى بولعان.
ايتا كەتەيىك, 2019 جىلى «يبيتسا-گەيت» جانجالىنان كەيىن ول قىزمەتىنەن شەتتەتىلىپ, ارتىنشا كەزەكتەن تىس پارلامەنتتىك سايلاۋ وتكەن ەدى. بىراق ونىڭ پارتياسى جەڭىسكە جەتىپ, كۋرتس قايتا ۇكىمەت باسشىسى بولىپ تاعايىندالعان.
